Guðmundur Franklín Jónsson, formaður Frjálslynda lýðræðisflokksins er mjög sár og svekktur vegna Stjórnarskrárfélagsins og furðar sig á vinnubrögðum stjórnenda þess
Í auglýsingu félagsins segir: ,, Leiðtogar Sosíalista, Pírata og Samfylkingar hafa tekið afgerandi afstöðu með nýju stjórnarskránni. Það hafa foringjar annarra flokka hins vegar ekki gert. Kjósum aðeins þá flokka sem heita því að standa með þjóðinni og lýðræðinu í næstu Alþingiskosningum.
Okkur hjá Frjálslynda lýðræðisflokknum svíður virkilega vegna þeirrar staðreynar að Stjórnarskrárfélagið kýs að skauta framhjá því í yfirlýsingu sinni varðandi stuðning flokka við nýja stjórnarskrá. Að Frjálslyndi lýðræðisflokknurinn er eini flokkurinn af þeim tíu sem bjóða fram til Alþingis sem er með nýja stjórnarskrá á stefnuskrá sinni. Ef að þetta fólk í Stjórnarskrárfélaginu ætlar að stilla þessu upp svona eins og þau hafa kosið að gera, þá efast ég um heilindi þeirra sem eru í forsvari fyrir þetta félag. Það blasir við öllum sem vilja sjá!
þetta er ekki lýðræði eins og þau segjast boða, heldur fáræði! Er það virkilega staðreynd að sósíalistar og annað forsjárhyggfólk séu svona ófyrirleitnir, ónákvæmir eða óheiðarlegir? Stjórnarskrárfélagið lyktar af vinstri lykt ef það er raunin að skautað sé framhjá stjórnmálaflokki sem er sérstaklega með það í stefnuskrá sinni að tryggja fullveldi landsins í stjórnarskrá lýðveldisins og að Þjóðin verði stjórnarskrárgjafinn. Ég get ekki ímyndað mér að þeir sem styðja Stjórnarskrárfélagið séu sammála svona vinnubrögðum forystu félagsins sem hefur ekki leiðrétt auglýsingu sína þrátt fyrir að meðlimir hafi bent á óheilindin í kommentum undir auglýsingu félagsins.
Ef þetta er þeirra réttlæti, hvernig er þá þeirra ranglæti? Í stefnuskrá okkar í 57. lið um stjórnarskrá Íslands segir:
Hvar er nýja stjórnarskráin? Flokkurinn aðhyllist að tillögur stjórnlagaráðs verði notaðar til grundvallar frumvarpi að nýrri stjórnarskrá. Flokkurinn vill notast við þjóðfundafyrirkomulag á þessari vegferð þar sem þátttakendur eru valdir með slembiúrtaki. Flokkurinn vill tryggja fullveldi landsins í stjórnarskrá lýðveldisins. Þjóðin verði stjórnarskrárgjafinn.
