Við opnun á Iðnaðarsýningunni 2023 flutti forseta Íslands, Guðni Th. Jóhannesson ávarp ásamt þeim Árna Sigurjónssyni, formanni SI og Ólafi M. Jóhannessyni framkvæmdarstjóra sýningarinnar.
![](https://frettatiminn.is/wp-content/uploads/2023/09/371854403_122101942934025975_921605116927373890_n.jpg)
Forseti Íslands opnaði sýninguna formlega og skoðaði bása hjá sýnendum sýningarinnar og átti gott spjall við þá sem þar voru í forsvari. Mikil og góð stemmning var á Iðnaðarsýningunni 2023 í Höllinni og gífurleg aðsókn.
Á annað hundrað fyrirtæki kynntu vörur og þjónustu á sýningunni sem var í alla staði glæsileg og haldin af Ritsýn sf. sem hefur í 26 ár sérhæft sig í fagsýningum. Má þar nefna sjávarútvegs-, landbúnaðar-, heilsu- og stóreldhúsasýningar.
Fram kemur í tilkynningu frá Ritsýn að Samtök iðnaðarins séu samstarfsaðili sýningarinnar. Innan samtakanna eru um 1.400 fyrirtæki. Samkvæmt hagtölum skapar iðnaðurinn rúmlega fimmtung landsframleiðslunnar.
Á iðnaðarsýningunni var meðal annars lögð áhersla á að kynna mannvirkjagerð, orku, innviði, vistvænar lausnir og hönnun.
![](https://frettatiminn.is/wp-content/uploads/2023/09/371854403_122101942934025975_921605116927373890_n-1.jpg)
![](https://frettatiminn.is/wp-content/uploads/2023/09/374772767_122103915242025975_7035818169888152288_n.jpg)
![](https://frettatiminn.is/wp-content/uploads/2023/09/374698009_122103913700025975_8259178580154913116_n.jpg)