Lögreglan á Austurlandi fékk um helgina ábendingu þess efnis að kettlingar lægju dauðir í lækjarfarvegi á Eskifirði.
Þó ekki séu beinar vísbendingar um að þeim hafi verið drekkt hefur lögregla fengið hræin í sína vörslu og mun afhenda Matvælastofnun, MAST, til rannsóknar.
MAST mun taka ákvörðun um næstu skref byggða á niðurstöðu þeirrar rannsóknar, þar á meðal hvort kæra til lögreglu verður lögð fram.
