4.8 C
Reykjavik
Fimmtudagur - 26. janúar 2023
Auglýsing

Gullskip fundin – Áætlað verðmæti fjársjóðsins 400 milljarðar króna

Auglýsingspot_img

Nýjar fréttir

Auglýsingspot_img

,,Það er enginn vafi á því að við höfum fundið gullskipin og það er stórir fjársjóðar þar innanborðs“

Kurt (82) segist hafa fundið spænsk gullskip sem að geta verið full af gulli. Kurt Maier er 82 ára norðmaður og Kjell Edwall er 79 ára svíi, þeir eru fjársjóðs leitarmenn og segjast hafa gert stórkostlega uppgötvun við strönd Ekvador, þar liggja gullskip að þeirra sögn á hafsbotni. 

Kurt Maier og Kjell Edwall

Það er enginn vafi á því að við höfum fundið gullskipin og það eru stórir fjársjóðir þar innanborðs, segir hinn norski Kurt Maier. Hann og sænski vinur hans Kjell Edwall, hafa í mörg ár leitað að galeiðum sem að sukku við strönd Ekvador. Skipin voru á leið til Spánar, hlaðin gulli og öðrum fjársjóðum þegar þau sukku, fyrir hundrað árum síðan.

Edwall hefur búið í Ekvador í um 40 ár, og þekkir landið vel. Áhugi á sögu inka og draumurinn um að finna eitthvað af glötuðum fjársjóði hefur lifað með honum í mörg ár.

Árið 1986 hóf Edwall fornleifaferðir í Andes í leit að Atahualpa fjársjóðnum. Undanfarin 20 ár hefur leit að fjársjóðnum farið fram á strönd Ekvador. Mörg skip sukku á þeim slóðum sem voru á leið til Spánar og nokkur þeirra við strönd Ekvador. Við vitum nákvæmlega hvar skipin eru sem að sukku með gullfarmana. Við höfum hnitin, segir Maier.

Inkarnir gerðu fallega hluti úr gullinu sem að þeir fundu í fjöllunum. Mikið magn af gulli og silfri voru flutt til Spánar. Nokkur hundruð skip sukku á leiðinni.

Árið 2012 var fyrirtækið Dunusi stofnað, fyrirtæki er skráð í Ekvador, með Maier og Edwall sem eigendur. Þeir hafa notað ýmsar aðferðir við leitina. Áður fyrr höfðu þeir reynt nokkrar aðferðir, þar á meðal kerfi þar sem þeir drógu leitartæki, einum meter fyrir ofan hafsbotninn, en þeir fundu ekkert. ,,Við héldum að fjársjóðirnir væru á hafsbotni, en þar voru þeir ekki, vegna þess að skipin eru grafinn undir grjóti, löngu klettalagi sem er um einn meter á þykkt,“ segir Maier.

Þeir hafa fengið einkaleyfi til að leita á svæðinu. Við fengum mjög góðar upplýsingar, og mælingar gengið vel og nú höfum við merkt 50 skip inn á kortið, segir Edwall. Við vitum ekki hvað er um borð í skipunum  fyrr en við höfum tekið þau upp, en nöfn þriggja skipa eru nokkuð örugg. Það er eitt sem heitir „Leocadia“. Á sama stað fundum við annað sem heitir „San Jose“ og eitt sem kallast „San Miguel“, segir Edwall.

Leyfi : Dunusi hefur leyfi til að leita að skipum en leyfið veitir þeim ekki rétt til að taka upp flakhluta.

Áður en skipin voru könnuð hafði Dunusi gert samning við yfirvöld í Ekvador. ,,En árið 2008 misstum við þetta samkomulag við þáverandi forseta, Rafael Correa,“ segir Edwall. Það hefur lengi verið mikill áhugi á fjársjóði undan ströndum Ekvador.

Leyfi til þess að ná í gífurleg verðmæti sem hægt er að grafa upp en eru enn undir sjávarbotni, hafa hafnað hjá nokkrum norskum fjárfestum í áranna rás. Í lok seinni hluta níunda áratugarins fjárfesti hópur fjárfesta, þar á meðal margir norskir, mikið í þeirri vísbendingu að spænska galeiðan „La Capitana Jesus Maria“ væri fundin.

Árið 1997 sagði leiðangurinn að skipið hafi sennilega verið staðsett. Áætlað var að verðmæti fjársjóðsins gæti verið u.þ.b. 400 milljarðar króna. Samkvæmt grein í norska tímaritinu Kapital höfðu fjárfestar verið mjög spenntir og sungu „Hiv, hopp og hoi, fljótlega verður fjársjóðurinn okkar“. En ævintýrið gekk ekki lengi, þó svo að nokkrar myntir hafi fundist, vantaði hagnað upp á milljarða dollara eins og að hafði verið stefnt og verkefnið kostaði mikið tap fyrir alla fjárfesta.

Árið 1997 fann kafari frá Ekvador nokkrar silfurmyntir sem var líklega úr björgunarbát spænsku galeiðunnar, La Capitana, sem sökk árið 1654. Þeir unnu með kafaranum og komust að þvi að fjársjóðurinn var undir hafsbotninum, segir Maier. Hann trúir á árangur í eigin verkefni sem að nú er unnið að.

Af hverju hefur þú ekki nú þegar náð í þessa fjársjóði? Við höfum enga heimild til að ná í hann núna. Við erum enn að semja við stjórnvöld. Við erum líka að reyna að fá gamla samninga okkar gilda aftur. Við erum erlendir fjárfestar og það er ekki er hægt að taka af okkur þau verðmæti sem að við höfum byggt fjárfestingar okkar á, segir Edwall.

Fólk hefur verið heillað af gulli í þúsundir ára, og þegar Spánverjar komu á svæðið árið 1530, voru þeir með mikinn auð frá inkunum. Inkarnir voru líka gráðugir eins og Evrópubúar, og verðmætin sem að voru á leið til Spánar voru gríðarleg. Mörg skip sukku áður en þau náðu að Atlantshafi og utan við Ekvador, eru allt að 60 spænskar galeiður á hafsbotni. En gullið sem ekki náðist, það glitrar enn. Það skín svo sterkt að við erum að sjá það, 40 til 50 metrum undir hafsbotninum, grafið undir þykku steinlagi.

Utan við strönd Ekvador er gullið enn grafið undir steinlaginu á hafsbotni. Þrátt fyrir brotna samninga við stjórnvöld, mikinn kostnað í tengslum við fjárfestingar, hafa Edwall og Maier ekki gefið upp drauminn á inka fjársjóðnum. Við munum ná fjársjóðnum, segir Maier. Nú eru þeir að vinna að því að finna út hvar þeir geta byrjað að vinna að því að taka upp fyrsta flakið.

Við höfum 50 skip á kortinu okkar og erum við núna að velja hvaða skip við munum að byrja með. Við höfum eytt miklum peningum í þetta verkefni.

þá er hugmyndin að byggja upp safn og miðstöð fyrir fornleifafræði. ,,Það mun virkilega setja Ekvador á kortið og auka ferðaþjónustuna í landinu,“ segir Aier.