Dagur að kveldi kominn hjá Vladimir Pútin? Ekki endilega: Það er nefninlega sama hvað hann gerir því hann “sigrar” ætíð í kosningum. Hið sama má segja um Dag B. Eggertsson.
Hann “sigrar” ætíð í kosningum jafnvel tvisvar í röð. Það er eins og að Reykvíkingar losni ekki við hann frekar en að Rússar losni við Vladimir Pútín. Hér er sum sé á ferð öfugsnúið lýðræði ef svo má segja. Það er sama hvað menn – kjósa að kjósa – ef svo má að orði komast það kemur alltaf sama kanínan upp úr hattinum.
Töfrar eða galdrar?
Eru þetta töfrar eða galdrar? Ekki gott að segja en allt veltur þetta á litlum smákóngum og prinsessum er raða sér í kringum kanínuna stóru sem sífellt skýtur upp kollinum úr gullna kassanum. Þessar litlu sálir eru afar glaðar með reyturnar af kálinu sem liggja á borðinu eftir að stóra kanínan hefur japlað á kálhausnum.
Og það er svolítið merkilegt að eftir því sem kálhausinn stækkar þá fjölgar litlu kanínunum í kring. Skiptir þá ekki máli hvort kálið sé farið að úldna. Það er svo ljúft að liggja á meltunni. En ekki má gleyma því að þessar litlu kanínur hafa tennur og ef stóra kanínan fellur af stalli þá verða þær fyrstar til að bíta þar til blóðið rennur.
Umræða
