Hugleiðingar veðurfræðings
Um 200 km suður af Reykjanesi er 985 mb lægð á austurleið. Samskil frá henni liggja yfir landinu með úrkomu um land allt. Rigning eða slydda á láglendi á Suður- og Suðausturlandi, en snjókoma eða slydda í fyrstu á láglendi á Reykjanesi og víðar við Faxaflóa. Víða snjókoma eða él um norðanvert landið. Allhvöss austan og norðaustanátt fylgir lægðinni, en norðaustan 15-23 í vindstrengjum við fjöll suðaustantil. Nokkrar gular viðvaranir eru í gildi út af vind, snjókomu eða hríð fram eftir morgni.
Dregur úr vindi úrkomu síðdegis og í kvöld. Fremur hæg norðlæg átt á morgun, vægt frost og víða bjartviðri, en dálítill éljagangur norðan og austanlands. Seint annað kvöld nálgast svo næsta lægð, en þá hvessir aftur með úrkomu.
Spá gerð: 06.11.2021 07:01. Gildir til: 07.11.2021 00:00.
Veðuryfirlit
300 km S af landinu er 985 mb lægð á hreyfingu A, en yfir N-Grænlandi er 1022 mb hæð. Skammt SA af Nýfundnalandi er 998 mb lægð á leið NA sem dýpkar.
Veðurhorfur á landinu
Austan og norðaustan 10-18 m/s, en hvassari við fjöll suðaustantil í fyrstu. Víða rigning eða slydda, en snjókoma eða él um norðanvert landið. Norðlægari og dregur úr vindi og úrkomu seinnipartinn. Hiti 0 til 8 stig að deginum, hlýjast á Suðurlandi.
Norðlæg átt 3-10 á morgun. Dálítil él á Norður- og Austurlandi, en víða bjartviðri annars staðar. Frost 0 til 5 stig. Vaxandi austanátt og þykknar upp með rigningu eða slyddu sunnantil seint annað kvöld.
Veðurhorfur á höfuðborgarsvæðinu
Norðaustan 5-10 m/s. Slydda eða rigning. Norðvestlægari og dregur úr úrkomu síðdegis. Hiti 1 til 4 stig.
Norðlæg átt 3-8 og bjartviðri á morgun með hita um og undir frostmarki. Vaxandi austanátt og þykknar upp annað kvöld. Hlýnandi veður.
Veðurhorfur á landinu næstu daga
Á mánudag:
Austan- og suðaustanhvassviðri eða stormur með rigningu eða slyddu, talsverð úrkoma á sunnanverðu landinu framan af degi. Snýst í sunnan 5-13 m/s og rigning með köflum um hádegi, og styttir upp um norðanvert landið. Hiti 1 til 7 stig, hlýjast syðst.
Á þriðjudag:
Hæg breytileg átt og stöku skúrir en þurrt norðaustantil. Lengst af norðan 5-13 m/s með slyddu eða snjókomu á Vestfjörðum. Hiti 1 til 6 stig en um frostmark á Norður- og Austurlandi.
Á miðvikudag:
Norðlæg eða breytileg átt og víða dálítil él. Hiti um og undir frostmarki.
Á fimmtudag:
Hægt vaxandi austanátt með slyddu eða rigningu, og hita 1 til 5 stig sunnantil um kvöldið. Annars hæg breytileg átt þurrt að kalla og vægt frost.
Á föstudag:
Útlit fyrir norðaustlæga átt með rigning eða slyddu, en snjókomu til fjalla. Dregur úr vindi og úrkomu þegar líður á daginn.