-3.2 C
Reykjavik
Miðvikudagur - 1. febrúar 2023
Auglýsing

Fimmtungur fullorðinna Íslendinga finna fyrir loftslags- og umhverfiskvíða

Auglýsing

Auglýsing

Nýjar fréttir

Auglýsing

Umhverfiskvíði

Hugtökin loftslagskvíði og umhverfiskvíði eru tiltölulega ný af nálinni en áhyggjur fólks af umhverfismálum og framtíð þeirra hafa verið sífellt meira í umræðunni. Fimmtungur fullorðinna Íslendinga segist almennt finna fyrir umhverfiskvíða, en með umhverfiskvíða (eco anxiety) er átt við kvíða sem tengist neikvæðum umhverfisáhrifum af mannavöldum, eins og mengun eða loftslagsbreytingum. Fleiri segjast hins vegar almennt finna fyrir litlum umhverfiskvíða, eða nær 56%, og tæplega 23% segjast hvorki finna fyrir miklum né litlum kvíða.

Þess má geta að ríflega helmingur landsmanna hefur þó áhyggjur af þeim afleiðingum sem loftslagsbreytingar geta haft á þá og fjölskyldur þeirra, samkvæmt umhverfiskönnun Gallup sem var gerð í byrjun árs og verður kynnt á umhverfisráðstefnu Gallup í Hörpu þann 19. febrúar næstkomandi. Þar kemur einnig fram að rúmlega þrír af hverjum fjórum hafa nokkrar eða miklar áhyggjur af hlýnun jarðar.
Konur finna frekar fyrir miklum umhverfiskvíða en karlar, og yngra fólk frekar en eldra. Þeir sem hafa meiri menntun að baki finna líka frekar fyrir miklum umhverfiskvíða en þeir sem hafa minni menntun. Loks eru þeir sem kysu Pírata, Vinstri græn eða Samfylkinguna ef kosið væri til Alþingis í dag líklegri til að finna fyrir miklum umhverfiskvíða en þeir sem kysu aðra flokka.
Þeir sem kysu Miðflokkinn eða Framsóknarflokkinn eru hins vegar ólíklegastir til að finna fyrir miklum umhverfiskvíða.

Spurt var:
Myndir þú segja að þú finnir almennt fyrir umhverfiskvíða eða ekki? Með umhverfiskvíða (eco anxiety) er átt við kvíða sem tengist neikvæðum umhverfisáhrifum af mannavöldum,
eins og mengun eða loftslagsbreytingum.
Niðurstöður sem hér birtast eru úr netkönnun sem gerð var dagana 22. – 30. janúar 2020.