Reynt var að veitast að Bjarna Benediktssyni utanríkisráðherra eftir að hann ávarpaði viðburð Alþjóðamálastofnunar Háskóla Íslands og sendiráðs Litháens á Íslandi í Háskóla Íslands rétt fyrir hádegi í dag. Fundurinn fjallaði um um hvaða lærdóm sé hægt að draga af hernaði og yfirgangi Rússa og flutti Bjarni þar opnunarávarp.
Þegar Bjarni hafði lokið máli sínu hlupu þrjár konur með fána Palestínu í átt að honum og hugðust veitast að honum en gæsla sem Bjarni fékk kom í veg fyrir að þær næðu alla leið. Utanríkisráðherra fær sérstaka gæslu þessa dagana á vegum ríkislögreglustjóra í kjölfar ítrekaðra atburða síðustu vikurnar.
Mótmælendur köstuðu rauðu glimmeri yfir Bjarna á fundi í Háskóla Íslands þann 8. desember og kröfðust þess að Ísland sliti stjórnmálasambandi sínu við Ísrael og viðskiptabann sett á landið.
Þá fór Sjálfstæðisflokkurinn í hringferð með rútu á dögunum í fylgd sérsveitarinnar.
Umræða
