Víða léttskýjað á morgun og hiti 0 til 7 stig syðst

Veðurhorfur á landinu
Suðvestan 5-10 m/s, en norðlæg átt, 8-15 m/s norðanlands. Stöku él suðvestanlands, dálítil snjókoma norðantil, en léttskýjað austast. Hiti kringum frostmark.
Gengur í vestan 10-18 austanlands í kvöld og nótt, en lægir og léttir til suðvestanlands og kólnar smám saman.
Hæg breytileg átt og víða léttskýjað á morgun, en norðvestan 8-13 m/s og dálítil él norðaustanlands framan af degi. Frost 0 til 6 stig, en hiti 0 til 7 stig syðst.
Veðurhorfur á landinu næstu daga
Á fimmtudag (skírdagur):
Suðlæg átt, 3-8 m/s, skýjað með köflum og vægt frost, en 8-13 m/s, smá skúrir og hiti að 5 stigum með suðurströndinni.
Á föstudag (föstudagurinn langi):
Ákveðin suðaustanátt, rigning eða slydda og hiti 1 til 5 stig sunnanlands, en annars hægir vindar, bjartviðri og hiti við frostmark.
Á laugardag:
Suðaustan- og austanátt og dálítil rigning eða slydda, en þurrt að kalla norðanlands. Hlýnandi veður.
Á sunnudag (páskadagur):
Fremur hæg suðvestanátt, þurrt að kalla og milt í veðri.
Á mánudag (annar í páskum):
Útlit fyrir suðvestan strekking eða allhvassan vind og hlýindi. Rigning sunnan- og vestantil en annars þurrviðri.