Áslaug Arna Sigurbjörnsdóttir, háskóla-, iðnaðar- og nýsköpunarráðherra, hefur skipað nýtt netöryggisráð. Ráðið er skipað sjö einstaklingum frá 1. maí 2024 til 30. apríl 2027. Þetta er í fyrsta sinn sem skipað er í netöryggisráð á grunni reglugerðar um netöryggisráð sem ráðherra undirritaði í desember síðastliðnum.
Hlutverk netöryggisráðs er að fylgja eftir framkvæmd stefnu stjórnvalda á sviði net- og upplýsingaöryggis. Ráðið leggur mat á stöðu netöryggis á Íslandi á hverjum tíma og er vettvangur upplýsingamiðlunar og samhæfingar.
Netöryggisráð er nú þannig skipað:
Birgir Rafn Þráinsson – formaður (háskóla-, iðnaðar- og nýsköpunarráðuneyti)
- Varamaður: Elín Sif Kjartansdóttir (háskóla-, iðnaðar-, og nýsköpunarráðuneyti)
Kristín Jónsdóttir – varaformaður (dómsmálaráðuneyti)
- Varamaður: Rósa Dögg Flosadóttir (dómsmálaráðuneyti)
Brynja Huld Óskarsdóttir (utanríkisráðuneyti)
- Varamaður: Ragnar Ingibergsson (utanríkisráðuneyti)
Ólafur Ingþórsson (fjármála- og efnahagsráðuneyti)
- Varamaður: Birna Íris Jónsdóttir (fjármála- og efnahagsráðuneyti)
Þórunn J. Hafstein (forsætisráðuneyti)
- Varamaður: Sigurður Örn Guðleifsson (forsætisráðuneyti)
Hrafnkell V. Gíslason (Fjarskiptastofa)
- Varamaður: Unnur Kristín Sveinbjarnardóttir (Fjarskiptastofa)
Guðmundur Arnar Sigmundsson (netöryggissveit Fjarskiptastofu (CERT-IS))
- Varamaður: Magni R. Sigurðsson (netöryggissveit Fjarskiptastofu (CERT-IS))
Umræða
