Hugleiðingar veðurfræðings -,,Ef ekki er rétti tíminn að fara í gönguferðir eða útilegu eftir þessa veðurspá, þá hvenær?“
Allmikill hæðarhryggur yfir Grænlandshafi og stjórnar veðurlaginu helgarinnar, sem verður sannkallað sumarveður. Fremur hægir norðaustanvindar leika um landið í dag, en strekkingur eða allhvasst og dálítil rigning við suðausturströndina í kvöld og fram á nótt. Fremur svalt í þokumóðu eða súld við sjávarsíðuna í morgunsárið, en hlýnar talsvert þegar sólir leysir þokubakkana upp. Sólin mun sýna sig eitthvað í öllum landshlutum um helgina nema síst í þokulofti og súld úti við norður- og austurströndina. Hitatölur munu nálgast 20 stig á Suðurlandi í dag, en jafnvel 21 til 23 stig á stöku stað vestan- og norðanlands hina dagana.
Ef ekki er rétti tíminn að fara í gönguferðir og útilegu eftir þessa veðurspá, þá hvenær?
Veðurhorfur á landinu
Norðaustan 3-8 m/s, en 8-13 suðaustantil. Skýjað, en þurrt að kalla á austanverðu landinu, en annars bjart með köflum. Bætir heldur í vind seinnipartinn og fer að rigna á Suðausturlandi í kvöld. Hiti 9 til 19 stig, hlýjast suðvestanlands.
Hæg suðlæg eða breytileg átt og bjart með köflum á morgun, en sums staðar þungbúið við suður- og austurströndina. Hiti 12 til 22 stig, hlýjast inn til landsins fyrir norðan og vestan. Spá gerð: 07.07.2023 04:52. Gildir til: 08.07.2023 00:00.
Veðurhorfur á landinu næstu daga
Á laugardag:
Breytileg átt, 3-8 m/s, en norðaustan 8-13 við suðausturströndina. Dálítil væta öðru hvoru á austanverðu landinu, en annars yfirleitt bjartviðri. Hiti víða 13 til 20 stig, en sums staðar hlýrra í innsveitum.
Á sunnudag:
Norðaustan 3-10 m/s og rigning með köflum, en yfirleitt þurrt og bjart sunnan- og vestanlands. Hiti 12 til 22 stig, hlýjast á Suðurlandi, en mun svalara við sjávarsíðuna fyrir norðan.
Á mánudag:
Norðlæg átt, 5-13 m/s og skýjað, en víða bjartviðri sunnan heiða. Hiti 8 til 18 stig, mildast suðvestanlands.
Á þriðjudag:
Norðlæg átt og dálítil rigning, en þurrt að kalla á vestanverðu landinu og kólnar í veðri.
Á miðvikudag:
Norðlæg eða breytileg átt og dálitlar skúrir. Hiti 5 til 15 stig, mildast sunnanlands.
Á fimmtudag:
Útlit fyrir ákveðna norðanátt með rigningu, en þurrt að mestu syðra.
Spá gerð: 06.07.2023 19:53. Gildir til: 13.07.2023 12:00.
