Umferðarslys á Suðurlandi, einn fluttur á sjúkrahús
Umferðartafir eru nú á Eyravegi við Suðurhóla eftir að árekstur varð með fólksbifreið og smárútu þar.
Fjórir voru í rútunni en einn í fólksbílnum. Sá aðili er með meðvitund en var fluttur til Reykjavíkur á sjúkrahús.
Hinir fjórir eru taldir lítið eða ómeiddir. Vegna þessa er umferð stjórnað af lögreglumönnum á meðan vettvangur er rannsakaður. Ekki fengust frekari upplýsinga að svo stöddu frá lögreglunni á Suðurlandi
Umferðareftirlit á Suðurnesjum
Lögreglan á Suðurnesjum hefur kært á annan tug ökumanna fyrir hraðakstur í umdæminu það sem af er þessari viku.
Sá sem hraðast ók mældist á 148 km hraða þar sem hámarkshraði er 90 km á klukkustund. Hann þarf að greiða 210 þúsund krónur í sekt auk ökuleyfissviptingar í einn mánuð.
Fáeinir voru teknir úr umferð vegna gruns um fíkniefna- eða ölvunarakstur. Tveir þeirra óku sviptir ökuréttindum og einn til viðbótar með fíkniefni í fórum sínum. Þá voru skráningarnúmer fjarlægð af átta bifreiðum sem ýmist voru ótryggðar eða óskoðaðar.
