Vill sjá sakborninga hjá Samherja taka afleiðingum vegna glæpa í Namibíu

Uppljóstrarinn Jóhannes Stefánsson var í viðtali við fjölmiðilinn The Namibian og segir þar að bæði namibískir og íslenskir aðilar sem ​​ákærðir séu í Samherjamálinu svokallaða í Namibíu séu að reyna að tefja framgang málsins með því að ljúga fyrir dómi. 

Þetta er haft eftir Jóhannesi Stefánssyni, fyrrverandi framkvæmdastjóra í Namibíu fyrir íslenska sjávarútvegsfyrirtækið Samherja. Í beiðni Ingvars Júlíussonar endurskoðanda Samherja sem lögð var fram fyrir dómstólnum ytra, biður hann um að fá leyfi til að yfirheyra Jóhannes Stefánsson. Ingvar Júlíusson, Egill Helgi Árnason og Adalsteinn Helgason, unnu við rekstur Samherja í Namibíu, sem stjórnendur.

„Ég tel að stjórnendur Samherja og starfsmennirnir sem eru ákærðir í Samherjamálinu í Namibíu séu örvæntingarfullir og reyni allt sem þeir geta til að skemma málin og reyna að komast upp með það með því að tefja málin,“ sagði Jóhannes Stefánsson. Hann telur árásirnar á sig og saksóknara í Namibíu vera gerðar af ráðnum hug, þar sem teymið sem vinnur að málunum sem eru í vinnslu eru í góðum farvegi og á réttri og hraðri leið, segir Jóhannes.

„Það virðast engin takmörk fyrir því hversu langt ákærðir ganga í að reyna að komast undan glæpum sínum. Þó við eigum enn langan veg fyrir höndum, þá trúi ég því að þeir muni halda áfram að gera allt sem í þeirra valdi er til að tefja málið, “sagði Jóhannes Stefánsson. Hann bætti við: „Ég held að saksóknarar í málinu vinni þetta vel og rétt. Ég hef fulla trú á rannsakendum og saksóknurum í Namibíu og hvernig þeir vinna að þessum málum.

Hafnar fréttum sem segja að hann muni ekki bera vitni í réttarhöldunum í Namibíu

„Ég mun koma til Namibíu til að bera vitni í Samherjamálinu þegar réttarhöldin fara fram. Það hefur alltaf verið ljóst að þeir vilja ekki að ég vitni. Þeir munu gera allt til að koma í veg fyrir að ég vitni, “sagði Jóhannes Stefánsson.

Vill sjá sakborningana hjá Samherja, taka afleiðingum vegna glæpa í Namibíu

„Allir milljarðarnir sem hákarlarnir, Samherji og aðrir hafa stolið af þjóðinni, hefur haft áhrif á allt landið og fólkið sem þar býr og á auðlindina en hefur ekki fengið að njóta hennar. Að sjá réttlæti fyrir þjóðina í Namibíu er allt sem ég vil, “segir Jóhannes.

Á meðan hann starfaði hjá Samherja segir Jóhannes að hann hafi orðið vitni að mikilli spillingu í vinnu sinni fyrir félagið í sjávarútvegi í Namibíu og vann með yfirvöldum gegn spillingunni og fjölmiðlum til að afhjúpa spillinguna og arðránið á þjóðinni sem er sárafátækt og býr við vatnsskort, hungursneið og fleiri vandamál.

Óttast ekki Samherja eða starfsfólk þess

„Ég hef gengið í gegnum margt síðan ég fór frá Samherji í júlí 2016. Ég hef staðið frammi fyrir mörgum áskorunum og áhættu, en hef aldrei hætt baráttunni og mun ekki hætta að berjast fyrir réttlæti fyrir Namibíu og mun berjast uns þessu máli er lokið.“

Ríkið fullyrðir að ákærðu í Samherjamálinu hafi flutt nærri 120 milljónir dala, sem átti að hafa verið greitt til þriðja aðila fyrir notkun á fiskveiðikvóta. Umsókn ríkisins um að málin tvö skuli sameinuð fyrir ein réttarhöld munu verða tekin fyrir í hæstarétti þann 20. september en áætlað er að næsta yfirheyrsla fyrir dómstólum fari fram þann 21. október. Þá sýna gögn sem saksóknarar í Namibíu hafa lagt fram að Jón Óttar Ólafsson fyrrverandi rannsóknarlögreglumaður á Íslandi, átti í samskiptum við einn þeirra manna sem grunaðir eru um að hafa þegið mútur í skiptum fyrir kvóta á árinu 2016 og á árinu 2019. Jón Óttar Ólafsson var kallaður til yfirheyrslu á Íslandi í sumar og er með réttarstöðu sakbornings.