Hugleiðingar veðurfræðings
Nú er dálítið lægðardrag yfir landinu. Vindur er með hægasta móti, en víða er súld eða rigning. Það dregur úr vætu eftir hádegi og dragið þokast til norðausturs.
Seinnipartinn í dag fer að nálgast lægð úr vestri og í kvöld má því búast við vaxandi sunnanátt á Suður- og Vesturlandi og það bætir í rigninguna þegar regnsvæði lægðarinnar nær landi.
Á morgun gera spár ráð fyrir að áðurnefnd lægð verði stödd skammt vestur af Breiðafirði og valdi suðvestan strekkingi eða allhvössum vindi. Með fylgir rigning eða skúrir, en norðaustan- og austanlands ætti að verða þurrt og bjart veður og þar verður jafnframt hlýjast, eða um 17 stiga hiti þar sem best lætur.
Veðurhorfur á landinu
Hæg breytileg átt og víða súld eða rigning, en lengst af þurrt vestanlands. Dregur úr úrkomu seinnipartinn. Vaxandi sunnanátt á Suður- og Vesturlandi í kvöld og fer að rigna.
Suðvestan 10-18 m/s á morgun og rigning eða skúrir, en bjartviðri norðaustan- og austanlands.
Hiti 8 til 16 stig, hlýjast á Austurlandi.
Spá gerð: 07.09.2023 10:04. Gildir til: 09.09.2023 00:00.
Veðurhorfur á landinu næstu daga
Á laugardag:
Snýst í norðan 5-13 m/s, en vestlægari sunnanlands. Súld eða rigning á norðanverðu landinu, skúrir sunnantil fram eftir degi, en bjartviðri á Austfjörðum. Hiti 6 til 13 stig, svalast fyrir norðan.
Á sunnudag:
Austan og norðaustan 5-13 og víða rigning, en þurrt að kalla um landið norðanvert. Hiti frá 4 stigum í innsveitum fyrir norðan, upp í 11 stig syðst.
Á mánudag:
Norðlæg átt 5-10 og yfirleitt léttskýjað, en stöku skúrir syðst á landinu. Hiti 5 til 10 stig, en kaldara að næturlagi.
Á þriðjudag:
Breytileg átt og bjart að mestu en dálitlar skúrir á Vestfjörðum og syðst á landinu. Hiti breytist lítið.
Á miðvikudag:
Útlit fyrir austlæga átt. Rigning á sunnan- og austanverðu landinu en annars bjart með köflum. Hiti 6 til 11 stig að deginum.
Spá gerð: 07.09.2023 08:30. Gildir til: 14.09.2023 12:00.
