-2.2 C
Reykjavik
Miðvikudagur - 1. febrúar 2023
Auglýsing

Mikil slydda eða snjókoma á Norður- og Austurlandi á sunnudag og ekkert ferðaveður

Auglýsing

Auglýsing

Nýjar fréttir

Auglýsing

Hugleiðingar veðurfræðings

Það verður norðvestan strekkingur austantil á landinu í dag, en það lægir í öðrum landshlutum. Dálítil rigning eða slydda með köflum norðanlands, en bjart að mestu um landið sunnanvert. Hiti 1 til 10 stig mildast syðst. Á morgun kemur lægð inn á Grænlandshaf. Henni fylgir suðaustan kaldi eða stinningskaldi og rigning með köflum eða skúrir. Hiti 3 til 9 stig yfir daginn. Norðaustanlands verður heldur svalara og þar gæti úrkoman fallið sem slydda.

Á sunnudag verður lægðin við austurströndina og dýpkar ört. Þá er útlit fyrir að það gangi í norðan hvassviðri eða storm með mikilli slyddu eða snjókomu á Norður- og Austurlandi. Þar verður ekkert ferðaveður ef að líkum lætur. Sunnanlands verður úrkomulítið en þar gæti samt sem áður orðið mjög hvasst, til að mynda undir Vatnajökli.

Það er enn nokkur breytileiki í spám varðandi þetta veður, t.d. benda nýjustu spár til þess að vesturhluti landsins sleppi betur en útlit var fyrir í gær. Það gæti hins vegar hæglega breyst aftur og er fólk hvatt til að fylgjast vel með veðurspám.

Gul veðurviðvörun: Vestfirðir, Strandir og norðurland vestra, Norðurland eystra og Austurland að Glettingi

Veðuryfirlit
300 km ANA af Langanesi er allvíðáttumikil 978 mb lægð sem þokast A og grynnist. Á Labradorhafi er vaxandi 1002 mb lægð á leið ANA.

Veðurhorfur á landinu
Norðvestan strekkingur austantil í dag, en lægir annars staðar. Lítilsháttar rigning eða slydda norðanlands, en bjart að mestu um landið sunnanvert.

Suðaustan 5-13 m/s á morgun og rigning með köflum eða skúrir, en sums staðar slydda norðaustanlands. Hiti 1 til 10 stig, mildast syðst.

Veðurhorfur á höfuðborgarsvæðinu
Norðan 5-10 m/s og bjart að mestu, en lægir í dag. Suðaustan 8-15 og rigning seint í nótt, en sunnan 3-10 og skúrir á morgun. Hiti 3 til 7 stig.
Spá gerð: 07.10.2022 04:46. Gildir til: 08.10.2022 00:00.

Veðurhorfur á landinu næstu daga
Á laugardag:
Suðaustan og austan 8-15 m/s og rigning eða skúrir, en sums staðar slydda norðaustanlands. Yfirleitt hægari vindur eftir hádegi. Hiti 1 til 9 stig, svalast norðaustantil.

Á sunnudag:
Gengur í norðan og norðvestan 18-25 m/s með talsverðri eða mikilli slyddu eða snjókomu, en rigning á láglendi norðaustantil. Mun úrkomuminna sunnanlands. Hiti 0 til 7 stig, mildast austast.

Á mánudag:
Minnkandi norðvestanátt og dregur úr ofankomu, en þurrt á Suður- og Vesturlandi. Hiti um og yfir frostmarki.

Á þriðjudag:
Suðaustan- og austanátt og fer að rigna, en lengst af úrkomulítið á Norður- og Austurlandi. Hlýnar talsvert.

Á miðvikudag:
Suðvestlæg eða breytileg átt og rigning eða skúrir. Hiti 3 til 8 stig.

Á fimmtudag:
Norðaustlæg átt og þurrt að kalla, en dálítil slydduél fyrir norðan. Kólnar í veðri.