Fyrstu daga veiðinnar voru komnir á land um 1.200 fiskar á sjóbirtings svæðunum og menn ansi ánægðir víða með veiðina.- Aðrir bíða spenntir eftir laxveiðinni
Vorveiðin hefur farið vel af stað víða og í vikunni voru komnir yfir 200 fiskar í Vatnamótunum eins og við gátum um og góð veiði hefur einnig verið í Varmá. Hún stefnir hraðbyr í 200 fiskana og hafa menn verið að ná í fiska þar í kringum 80 sentimetra að stærð.
Það er ekki laust við að menn skynji titringinn sem er kominn í þá sem að stunda laxveiðina grimmt og má sjá þar t.d. pælingar á facebooksíðum þeirra Bubba og Benders t.d. eða réttara sagt, veiðimannana, Bubba Morthens og Gunnars Benders.
,,Nokkir klukkutímar í að laxveiðitíminn byrji. Flestir geta beðið!“ segir Gunnar Bender á vef sínum og birtir mynd af sér og Bubba þar sem að þeir bíða eftir að renna fyrir fyrstu laxa sumarsins. Og Bubbi tekur undir og segir ,,Dös sem við eru flottir í júní birtunni með birkið þrútið og ilmandi í nösum og áin kallar.“ Það er alveg ljóst að þeir félagar bíða spenntir eftir laxveiði sumrinu sem að fer að bresta á og vonandi verður veiðigyðjan sanngjörn í ár.
En báðir hafa verið að spá í spilin og viðrað hugmyndir sínar um komandi tímabil. Bubbi Morthens rifjar upp góðar stundir í Laxá í Aðaldal og birtir skemmtilegar myndir af stórlöxum þaðan og stundum fljóta með skemmtilegar og fróðlegar frásagnir af eftirminnilegum stundum við Laxánna. Gunnar Bender hefur verið á ferðinni með konu sinni um landið, spáð í spilin og m.a. haft miklar áhyggjur af því hvernig veiðin verði í sumar vegna þess hve snjóléttur veturinn hefur verið. Þau eru bæði með næmt auga á náttúru landsins og með mikla reynslu af veiðum og birta reglulega myndir af veiðisvæðunum.
Sjóbirtingsveiðin gengur víða vel og núna höfðu veiðst um 1.200 fiskar á fyrstu dögunum á þeim svæðum sem hafa opnað fyrir veiðimenn í vorveiði.
,,Norskir veiðimenn sem voru að veiða í Litluá fengu góða veiði,,
sagði Jón Tryggvi Helgason um Litluá í Kelduhverfi.
Og Jón segir,,ekki skemmdi fyrir að fá þennan fallega urriða sem mældist 82,5 cm og 5,7 kg. Ekkert lát er á góðri veiði í ánni og vatninu. En núna hafa veiðst um 200 fiskar og sumir vel vænir“ sagði Jón ennfremur.
