-2.2 C
Reykjavik
Miðvikudagur - 1. febrúar 2023
Auglýsing

Tilkynnt um óðan hund í Garðabæ

Auglýsing

Auglýsing

Nýjar fréttir

Auglýsing

Mikill erill var hjá lögreglu frá því klukkan fimm í gærdag til fimm í morgun en sjö gista nú fangageymslu lögreglu eftir nóttina, hér eru helstu mál næturinnar:
Lögregla ætlaði að kanna með ástand og réttindi ökumanns bifreiðar sem ók Vesturlandsveg. Þegar ökumanni var gefið merki um að stöðva akstur sinn gaf hann í og hófst þá eftirför lögreglu. Ökumaður ók meðal annars á móti umferð á Vesturlandsvegi en þrír aðilar voru í bifreiðinni. Reyndu þeir svo að hlaupa frá lögreglu en voru svo allir handteknir stuttu síðar. Voru þeir allir einnig kærðir fyrir vopnalög. Gista þeir nú í fangageymslu lögreglu í þágu rannsóknar máls.
Tilkynnt um meðvitundarlausan mann í miðbænum, kom í ljós að um ölvun var að ræða.

Ekið var á aðila á rafskutlu í miðbænum. Ekki alvarlegir áverkar.

Tilkynnt um þjófnað í verslun í miðbænum. Málið í rannsókn hjá lögreglu.

Tilkynnt um fjóra aðila á rafskútum stela gaskútum í hverfi 108. Aðilarnir allir grímuklæddir. Fundust ekki þrátt fyrir mikla leit lögreglu.

Tilkynnt um ofurölvi konu í verslun í hverfi 101. Lögregla á vettvang til aðstoðar.

Ökumaður stöðvaður í grunaður um ölvun við akstur. Hefðbundið ferli hjá lögreglu.

Tilkynnt um öskrandi mann liggjandi á jörðinni í miðbænum. Kom í ljós að hann hafði öklabrotið sig en hann var verulega ölvaður. Hann fluttur á slysadeild til frekari aðhlynningar.

Tilkynnt um slagsmál víðavegar um miðbæinn.

Ökumaður stöðvaður grunaður um ölvun við akstur. Hefðbundið ferli hjá lögreglu.

Tilkynnt um ofurölvi konu á skemmtistað í miðbænum. Henni ekið heim til sín.

Ökumaður stöðvaður grunaður um ölvun við akstur. Hefðbundið ferli hjá lögreglu.

Tilkynnt um óðan hund í Garðabæ. Þarna hafði smáhundur ráðist á fólk og önnur dýr en þegar lögregla kom á vettvang var eigandi kominn. Minniháttar áverkar og engar kröfur.

Tilkynnt um að ökumaður hefði ekið á vegrið á Hafnarfjarðarvegi og haldið svo áfram akstri. Ökumaður lagði svo bifreið sinni og reyndi að flýja en var stöðvaður af lögreglu. Kom í ljós að ökumaður var ölvaður. Hann vistaður fangageymslu í þágu rannsóknar máls.

Ökumaður stöðvaður grunaður um akstur undir áhrifum ávana- og fíkniefna. Hefðbundið ferli hjá lögreglu.

Tilkynnt um mann sem hafði kastað upp í leigubifreið og neitað að borga fyrir farið. Þegar lögregla kom á vettvang greiddi aðilinn sína skuld og fór heim til sín.

Ökumaður stöðvaður grunaður um akstur undir áhrifum ávana- og fíkniefna. Hefðbundið ferli hjá lögreglu.

Tilkynnt um aðila til vandræða á skemmtistað í Hafnarfirði. Hafði hann kastað af sér þvagi inni á staðnum og sparkað í bifreiðar sem voru lagðar fyrir utan staðinn.

Tilkynnt um líkamsárás á skemmtistað í Hafnarfirði.

Árekstur tveggja bifreiða varð í Kópavogi. Engin slys á fólki en bæði ökutækin voru óökufær.

Tilkynnt um ofurölvi mann liggja á jörðinni í Kópavogi. Honum ekið heim.

Tilkynnt um ofurölvi konu sem haldið var af dyravörðum í Kópavogi. Hún handtekin fyrir líkamsárás og vistuð í fangageymslu lögreglu í þágu rannsóknar máls.

Umferðarslys varð á Vesturlandsvegi við Þingvallarveg. Ekki var um alvarlegt slys að ræða en ekki er vitað meira um málið þegar þetta er ritað.