Lögreglan á höfuðborgarsvæðinu hafði í nógu að snúast undanfarinn hálfan sólarhring og hér eru nokkur atriði sem bókuð voru í dagbókina.
- Tilkynnt um mjög ölvaðan einstakling í sundi í hverfi 101 sem vildi ekki fara að fyrirmælum starfsmanna. Að beiðni starfsmanna sundlaugarinnar var einstaklingnum vísað úr lauginni.
- Tilkynnt um umferðarslys í hverfi 108 en þar hafði verið ekið á einstakling á rafhlaupahjóli. Ekkert frekar skráð.
- Tilkynnt um skemmdir á útidyrahurð fjölbýlishúss í hverfi 102.
- Tilkynnt um þjófnað úr verslun í hverfi 101.
- Höfð afskipti af einstakling í miðbænum sem hefur síðustu nætur farið um með stóran hátalar og spilað háværa tónlist og þannig truflað nætursvefn íbúa á svæðinu. Eftir að hafa fengið ítrekuð tækifæri til að hætta spilun án árangurs var hátalari einstaklingsins haldlagður og á einstaklingurinn von á kæru vegna brots á lögreglusamþykkt.
- Bifreið stöðvuð í hverfi 108 en ökumaður er grunaður um akstur undir áhrifum fíkniefna.
- Þrjár bifreiðar stöðvaðar þar sem eigendur þeirra höfðu ekki tekið neglda hjólbarða undan þeim.
- Tilkynnt um umferðaróhapp í hverfi 210. Engin slys á fólki en eitthvað tjón á ökutækjum.
- Tilkynnt um reiðhjólaslys í hverfi 200. Ekkert frekar skráð.
- Bifreið stöðvuð í hverfi 110 en ökumaður er grunaður um akstur undir áhrifum fíkniefna. Þá reyndist ökumaður vera á ökuréttinda.
- Bifreið stöðvuð í hverfi 113 en ökumaður er grunaður um akstur undir áhrifum fíkniefna.
Umræða
