-1.2 C
Reykjavik
Þriðjudagur - 31. janúar 2023
Auglýsing

Norðan stormur eða rok og mikil slydda eða snjókoma á norðanverðu landinu

Auglýsingspot_img

Nýjar fréttir

Auglýsingspot_img

Hugleiðingar veðurfræðings

Austan og suðaustan 5-13 m/s í dag og einhver væta í öllum landshlutum, en sums staðar dálítil slydda norðan heiða. Hiti 1 til 10 stig, mildast syðst. Í fyrramálið kemur alldjúp lægð upp að Austurlandi og það gengur í norðan storm eða rok. Mikil slydda eða snjókoma á norðanverðu landinu, rigning við austurströndina en úrkomuminna sunnanlands. Veðrið gengur niður aðfaranótt mánudags og á mánudag, fyrst vestantil, en á þriðjudag er útlit fyrir suðaustan strekking með rigningu sunnan- og vestanlands.

Veðuryfirlit
250 km V af landinu er heldur vaxandi 986 mb lægð sem þokast SA, en við Svalbarða er allvíðáttumikil og nærri kyrrstæð 970 mb lægð. 1100 km SA af Hvarfi er vaxandi 1000 mb lægð á hreyfingu NA og síðar N.
Samantekt gerð: 08.10.2022 07:19.

Appelsínugul viðvörun vegna veðurs: Strandir og norðurland vestra, Norðurland eystra, Austurland að Glettingi, Austfirðir, Suðausturland og Miðhálendi 

Veðurhorfur á landinu
Suðaustan og austan 5-13 m/s í dag og rigning með köflum eða skúrir, en sums staðar slydda á norðanverðu landinu.
Hiti 1 til 10 stig, hlýjast syðst. Gengur í norðan 18-25 m/s á morgun með snörpum vindhviðum við fjöll. Mikil slydda eða snjókoma á norðanverðu landinu, rigning með austurströndinni, en úrkomuminna sunnanlands. Hiti 0 til 7 stig, mildast suðaustantil.

Veðurhorfur á höfuðborgarsvæðinu
Suðaustan 5-13 m/s og rigning fram á morgun, síðan hægari sunnanátt og skúrir. Hiti 3 til 8 stig. Hvöss norðanátt og styttir upp á morgun, fer að lægja annað kvöld. Hiti 2 til 5 stig.

Veðurhorfur á landinu næstu daga
Á mánudag:
Norðan 5-10 og bjartviðri vestantil á landinu, en norðvestan 13-20 um landið austanvert, snjókoma norðaustan- og austanlands, en úrkomulítið suðaustanlands. Lægir og styttir smám sman upp þegar líður á daginn. Hiti kringum frostmark, en kólnar víða um kvöldið, einkum í innsveitum, en snýst í vaxandi suðaustanátt vestast á landinu.

Á þriðjudag:
Suðaustan 8-15 m/s og rigning, en hægari og þurrt um landið norðaustanvert fram eftir degi. Hlýnar í veðri, hiti 4 til 10 stig um kvöldið.

Á miðvikudag:
Suðvestan 5-13 og skúrir, en þurrt og bjart að mestu fyrir austan. Hiti 2 til 8 stig.

Á fimmtudag:
Austlæg átt og rigning með köflum, en úrkomulítið á Norðausturlandi. Hiti 1 til 6 stig.

Á föstudag:
Útlit fyrir norðaustanátt með dálítilli slyddu eða snjókomu norðantil, en annars úrkomulítið. Heldur kólnandi veður.