Hugleiðingar veðurfræðings
Sumar og vetur berjast um völdin í veðrinu á landinu næstu daga. Fremur hægur vindur og sums staðar skúrir í dag, en kólnar með rigningu eða slyddu um landið norðvestanvert í stífri norðaustanátt. Norðaustanáttin ræður síðan ríkjum á landinu á morgun og verður vetrarlegt um að lítast norðanlands með snjókomu eða slyddu á köflum. Sunnantil á landinu nær sólin að hlýja okkur, sérstaklega þar sem dálítið skjól er fyrir norðanáttinni. Kólnar þó smám saman þegar líður á vikuna með éljum og frosti fyrir norðan. Úrkomulítið sunnan heiða og heldur hlýrra í veðri. Það er síðan ekki fyrr en á sunnudag að norðanáttin gefur eftir fyrir suðaustlægum áttum með hlýnandi veðri.
Veðuryfirlit
600 km SV af Reykjanesi er allvíðáttumikil 984 mb lægð sem þokast NNA. Yfir S-Skandinavíu er 1032 mb hæð sem fer hægt A.
Veðurhorfur á landinu
Fremur hæg breytileg átt og dálitlar skúrir í dag og hiti 4 til 11 stig. en norðaustan 8-13 um landið norðvestanvert með rigningu eða slyddu og kólnar í veðri, en heldur hvassara og dálítil snjókoma á Vestfjörðum í kvöld. Norðaustan 8-15 í nótt og á morgun. Snjókoma eða slydda með köflum um landið norðanvert og hiti 0 til 5 stig. Lengst af þurrt sunnantil á landinu og milt í veðri, en dálitlar skúrir eða slydduél síðdegis og kólnar.
Veðurhorfur á höfuðborgarsvæðinu
Hæg breytileg átt og stöku skúrir. Fremur hæg norðlæg átt með kvöldinu og léttir til. Norðan 5-13 og lengst af bjartviðri á morgun, en stöku skúrir annað kvöld. Hiti 5 til 11 stig að deginum.
Veðurhorfur á landinu næstu daga
Á þriðjudag:
Norðaustan 8-15 m/s og slydda eða snjókoma með köflum, hiti 0 til 5 stig. Hægari vindur sunnan heiða og skúrir eða slydduél, einkum síðdegis og hiti 5 til 11 stig.
Á miðvikudag:
Norðaustlæg átt 8-13 og snjókoma eða slydda með köflum, en rigning á láglendi syðst. Hiti 0 til 5 stig að deginum.
Á fimmtudag:
Norðaustan 8-15 m/s um landið norðvestanvert, en annars hægari vindur. Viða él, en úrkomulítið suðaustanlands. Hiti um frostmark, en hiti að 5 stigum sunnanlands að deginum.
Á föstudag:
Norðlæg átt og stöku él, en víða þurrt og bjart á Suður- og Vesturlandi. Vægt frost, en hiti 0 til 5 stig sunnantil.
Á laugardag:
Útlit fyrir austlæga átt og hlýnar lítið eitt. Rigning eða slydda sunnan- og vestanlands, en annars úrkomulítið.
Á sunnudag:
Suðaustlæg átt, vætusamt og hlýnandi veður.
