Hugleiðingar veðurfræðings
Austur við Noreg er víðáttumikil og djúp lægð, sem olli úrhellisregni og stórtjóni í Noregi og Svíþjóð. Lægin hreyfist norðvestur á bóginn, en kemur lítið við sögu hér á landi og veldur varla nema með strekkings norðvestanátt og smá vætu við norðausturströndina í dag.
Önnur álíka öflug lægð langt suðvestur í hafi mun hafa nokkru meiri áhrif, en hún þokast norðaustur og veldur vaxandi austanátt sunnantil í kvöld og rigningu þar í nótt. Á morgun og föstudag er lægðin djúpt suður af landinu og austanáttin heldur velli með smá vætu sunnan- og vestantil, en lengst af þurrviðri á Norðausturlandi. Áframhaldandi hlýindi með hita allt að 20 stigum í inn- og uppsveitum, þegar best lætur.
Spá gerð: 09.08.2023 06:24. Gildir til: 10.08.2023 00:00.
Veðurhorfur á landinu
Norðlæg átt, 3-8 m/s, en 8-15 austantil. Léttskýjað suðvestantil, en annars skýjað með köflum og lítilsháttar væta við austurströndina.
Snýst í austan 5-13 og þykknar upp sunnanlands í kvöld með smá vætu syðst.
Austan 8-15 m/s á morgun, hvassast syðst. Dálítil væta öðru hvoru, en skýjað og þurrt að kalla norðaustanlands.
Hiti 5 til 18 stig, hlýjast suðvestanlands.
Spá gerð: 09.08.2023 05:26. Gildir til: 10.08.2023 00:00.
Veðurhorfur á landinu næstu daga
Á föstudag:
Austan- og norðaustan 5-13 m/s, en 13-18 m/s syðst. Dálítil rigning sunnanlands, skýjað en þurrt að kalla austanlands, en annars víða bjart veður. Hiti 10 til 20 stig, hlýjast inn til landsins, en svalast við austurströndina.
Á laugardag:
Fremur hæg norðlæg átt, skýjað að mestu og sums staðar lítilsháttar væta, en léttir til norðvestanlands. Hiti 8 til 16 stig, hlýjast sunnan- og vestanlands.
Á sunnudag:
Hæg norðlæg eða breytileg átt. Skýjað með köflum og stöku skúrir sunnanlands, en annars víða bjart. Hlýtt víða um land, en heldur svalara fyrir austan.
Á mánudag og þriðjudag:
Suðvestlæg eða breytileg átt. Skýjað með köflum og lítilsháttar væta suðvestantil, en víða bjart annars staðar. Áfram hlýtt í veðri, hlýjast norðaustantil.
Spá gerð: 09.08.2023 08:26. Gildir til: 16.08.2023 12:00.
