Flug­skeyta­árás­ir á „marg­ar“ borg­ir í Úkraínu – ,,Rússar eru að reyna að tortíma okkur“

Flug­skeyta­árás­ir voru gerðar á „marg­ar“ borg­ir í Úkraínu í morg­un, að sögn úkraínsku for­seta­skrif­stof­unn­ar. Talsmaður neyðarþjónustunnar í Kyiv segir samkvæmt Reuters að sprengingarnar hljóti að hafa leitt til dauða fólks og að margir hafi slasast.

Zelenskyi forseti Úkraínu segir einnig að tilkynnt hafi verið um slasaða og dauðsföll í sprengingunum.

,,Rússar eru að reyna að tortíma okkur og þurrka okkur af yfirborði jarðar. Fólkið okkar sem sefur heima í Zaporizhzhya – drepa fólk sem fer að vinna í Dnipro og Kyiv,“ segir Zelenskyi.

„Það er verið að gera flug­skeyta­árás­ir á Úkraínu. Það eru upp­lýs­ing­ar í gangi um árás­ir á marg­ar borg­ir í land­inu okk­ar,“ sagði Kyrylo Tymos­hen­ko, emb­ætt­ismaður á skrif­stofu for­seta Úkraínu, á sam­fé­lags­miðlum. Hann hvatti fólk til að leita skjóls í neðanj­arðarbyrgj­um.

Að minnsta kosti 17 manns hafa látið lífið í árásum Rússa um helgina á iðnaðarborgina Zaporizhzhya, að sögn yfirvalda á staðnum. Að auki særðust 40 aðrir í eldflaugaárásinni. Frá þessu er meðal annars greint frá CNN og úkraínska dagblaðinu Kyiv Independent. Vísa þeir í yfirlýsingu frá starfandi borgarstjóra borgarinnar, Anatolij Kurtev.

Fjöldagröf: 440 lík af börnum og fullorðnum – pyntingar, nauðganir og aftökur