Hér eru helstu atriði úr dagbók LRH frá kl.17-05. Þegar þetta er ritað eru sex vistaðir í fangageymslu lögreglu. Alls eru 81 mál skráð í kerfinu á umræddu tímabili. Ásamt neðangreindu sinnti lögregla almennu eftirliti og ýmsum aðstoðarbeiðnum. Listinn er því ekki tæmandi.
Lögreglustöð 1
- Óskað aðstoðar lögreglu vegna umferðarslyss. Ein bifreið flutt af vettvangi þar sem hún var óökufær. Ekki slys á fólki.
- Tilkynnt um yfirstaðna líkamsárás sem átti sér stað á krá. Árásaraðili var sagður vera fyrir utan. Er lögregla kom á vettvang voru báðir aðilar, árásarþoli og árásaraðili, farnir og því ekki aðhafst frekar.
- Tveir leigubílstjórar óskuðu eftir aðstoð lögreglu vegna hvers annars. Annar sakaði hinn um líkamsárás en hinn um að hafa ekið svo mikil hætta var af. Málið afgreitt á vettvangi þar sem skýrslutaka fór fram.
- Kona handtekinn eftir að hafa ekið á aðra bifreið, yfirgefið vettvang án að gera ráðstafanir og er hún grunuð um að hafa ekið bifreiðinni undir áhrifum áfengis. Hún vistuð í fangaklefa í þágu rannsóknar málsins.
- Óskað aðstoðar lögreglu og kvaðst tilkynnandi hafa orðið fyrir líkamsárás af hendi dyravarða. Málið í rannsókn.
- Karlmaður handtekinn grunaður um að aka bifreið undir áhrifum ávana- og fíkniefna. Þá á hann einnig von á sekt þar sem of margir farþegar voru í bifreiðinni. Hann laus að lokinni sýnatöku.
- Ökutæki stöðvað við almennt umferðareftirlit. Ökumaður er grunaður um að aka undir áhrifum áfengis. Hann laus að lokinni sýnatöku.
- Tilkynnt um eld í fjölbýlishúsi. Mikill reykur og eldur í íbúð er lögregla kom á vettvang. Slökkvilið annaðist slökkvistarf og tók lögregla við vettvangi eftir að því lauk. Málið til rannsóknar.
- Ökutæki stöðvað við almennt umferðareftirlit. Ökumaður er grunaður um að aka undir áhrifum áfengis, þó undir refsimörkum.
- Tilkynnt um ofurölvaða konu í miðbæ Reykjavíkur. Er lögregla kom á vettvang var konan sjáanlega ölvuð en viðræðuhæf. Hún afþakkaði alla aðstoð lögreglu og hélt sína leið.
Lögreglustöð 2
- Ökutæki stöðvað við almennt umferðareftirlit. Ökumaður er grunaður um að aka undir áhrifum áfengis, þó undir refsimörkum, sem og að aka sviptur ökuréttindum. Hann laus að lokinni skýrslutöku.
- Ökutæki stöðvað við almennt umferðareftirlit. Ökumaður er grunaður um að aka undir áhrifum áfengis, að hafa ekið gegn rauðu ljósi og að aka án gildra ökuréttinda. Hann laus að lokinni sýnatöku.
- Ökutæki stöðvað við almennt umferðareftirlit. Ökumaður er grunaður um að aka undir áhrifum áfengis og að aka án gildra ökuréttinda. Hann laus að lokinni sýnatöku.
- Ökutæki stöðvað við almennt umferðareftirlit. Ökumaður er grunaður um að aka sviptur ökuréttindum. Hann laus að lokinni skýrslutöku.
Lögreglustöð 3
- Óskað aðstoðar vegna umferðaslyss. Ekki slys á fólki.
- Óskað aðstoðar vegna þjófnaðar úr matvöruverslun. Málið afgreitt á vettvangi.
- Tveir ökumenn sektaðir fyrir að hafa stöðvað ökutæki og lagt og ekki gegnið frá því með tryggilegum hætti. Vettvangsskýrsla rituð vegna málanna
- Óskað aðstoðar vegna samkvæmishávaða.
- Tilkynnt um eld í einbýlishúsi. Slökkvilið annaðist slökkvistarf og tók lögregla við vettvangi eftir að því lauk. Þrír handteknir á vettvangi grunaðir um íkveikju og vistaðir í fangaklefa í þágu rannsóknar málsins. Málið til rannsóknar.
Lögreglustöð 4
- Ökutæki stöðvað við almennt umferðareftirlit. Ökumaður er grunaður um að aka undir áhrifum áfengis, undir áhrifum ávana- og fíkniefna og að aka sviptur ökuréttindum. Hann laus að lokinni sýnatöku.
- Óskað aðstoðar vegna flugeldaslyss. Er lögregla kom á vettvang mátti sjá að tjónþoli, sem var barn undir lögaldri, var sárþjáður og mátti sjá áverka á hönd barsins. Hann færður í sjúkrabifreið sem flutti hann á bráðamóttöku til frekari skoðunar.
- Óskað aðstoðar vegna samkvæmishávaða.
- Óskað aðstoðar vegna samkvæmishávaða.
Umræða
