Hugleiðingar veðurfræðings
Hvassviðrið og úrkoman úr lægðinni sem var rétt austan við landið í gær heldur áfram í dag enda lægðin ekki færst langt síðasta sólarhringinn. Önnur djúp lægð er ekki langt undan austan við landið og því má búast við norðlægum áttum með snjókomu um norðanvert landið inn í helgina.
Áfram hvassviðri í dag, norðaustan 13-20 m/s, hvassast á Vestfjörðum. Snjókoma um allt norðan- og austanvert landið en rigning eða slydda við ströndina. Stórhríð á Vestfjörðum, en þurrt að kalla og léttara yfir sunnan heiða. Dálítið léttari útgáfa af sama veðri svo á morgun sem gengur að mestu niður á laugardaginn.
Veðuryfirlit
Yfir Mývatni er 961 mb smálægð, sem hreyfist SSV og eyðist, en önnur álíka lægð 150 km S af Hornafirði hreyfist SA. Skammt N af Skotlandi er 958 mb lægð, sem hreyfist NV og síðar V á bóginn.
Veðurhorfur á landinu
Norðaustan 13-20 m/s, hvassast á Vestfjörðum. Snjókoma norðan- og austantil en rigning eða slydda við ströndina. Áfram stórhríð á Vestfjörðum en þurrt og bjartara yfir sunnan heiða.
Norðan og norðaustan 10-18 m/s á morgun og áfram snjókoma norðan- og austanlands, hvassast undir Vatnajökli, en annars bjart með köflum. Hiti yfirleitt kringum frostmark að 6 stigum með suður- og austurströndinni.
Spá gerð: 11.03.2021 04:56. Gildir til: 12.03.2021 00:00.
Veðurhorfur á höfuðborgarsvæðinu
Norðan 8-15 m/s, en 18-23 á Kjalarnesi. Skýjað að mestu og stöku él. Dregur úr vindi og birtir til síðdegis á morgun. Hiti kringum frostmark.
Spá gerð: 11.03.2021 04:57. Gildir til: 12.03.2021 00:00.
Veðurhorfur á landinu næstu daga
Á laugardag:
Norðan 8-15 m/s, dálítil él á N-verðu landinu og frost 0 til 7 stig, en léttskýjað sunnan heiða og hiti 0 til 5 stig.
Á sunnudag:
Norðlæg átt, 3-10 m/s og skýjað með köflum, en stöku él á A-landi. Kólnar dálítið fyrir norðan.
Á mánudag:
Vaxandi suðaustanátt, allhvasst eða hvasst og slydda eða rigning síðdegis, en hægara fyrir norðan og austan og dálítil snjókoma um kvöldið. Hlýnandi veður.
Á þriðjudag og miðvikudag:
Suðlægar áttir með vætu, en lengst af þurrt norðan og austan til. Áfram hlýtt í veðri.
Discussion about this post