-5.2 C
Reykjavik
Fimmtudagur - 9. febrúar 2023
Auglýsing

Suðaustanátt, allhvöss og rigning – Gul viðvörun

Auglýsing

Auglýsing

Nýjar fréttir

Auglýsing

Hugleiðingar veðurfræðings

Suðaustanátt í dag, víða allhvöss og rigning eða skúrir, en þurrt á Norðurlandi. Áfram má búast við talsverðri eða mikilli úrkomu suðaustantil á landinu. Hiti yfirleitt á bilinu 5 til 10 stig, en í kvöld lægir og kólnar. Sunnan 8-13 m/s á morgun og él sunnan- og vestanlands. Rigning eða slydda í fyrstu fyrir norðan og austan, en léttir síðan til. Hiti 0 til 6 stig yfir daginn. Veðrið breytist lítið á sunnudag, en á mánudag er útlit fyrir suðaustan hvassviðri eða storm með slyddu og síðar talsverðri rigningu, einkum um landið sunnan- og vestanvert.

Veðuryfirlit
500 km VSV af Reykjanesi er allvíðáttumikil 962 mb lægð sem þokast NV.

Veðurhorfur á landinu
Suðaustanátt, víða 13-18 m/s í dag og skýjað en þurrt á N-landi. Skúrir SV- og V-lands en annars rigning, einkum SA-til. Hiti 3 til 10 stig. Lægir í kvöld. Sunnan 8-13 á morgun. Rigning eða slydda í fyrstu á NA- og A-landi, en léttir síðan til þar. Él í öðrum landshlutum, kólnandi veður.

Veðurhorfur á höfuðborgarsvæðinu
Suðaustan 10-18 m/s og skúrir, en lægir og styttir upp seinnipartinn. Hiti 5 til 7 stig, en kólnar í kvöld. Sunnan 8-13 og él á morgun, hiti 0 til 4 stig.

Gul viðvörun vegna veðurs: Austfirðir og Suðausturland

Veðurhorfur á landinu næstu daga
Á sunnudag:
Suðaustan og sunnan 8-15 m/s V-til á landinu, annars hægari vindur. Dálítil él og hiti um eða yfir frostmarki, en yfirleitt þurrt og bjart á N- og A-landi.

Á mánudag:
Gengur í suðaustan 20-28 m/s með talsverðri slyddu og síðar rigningu, en úrkomulítið NA-til. Hlýnandi, hiti 3 til 8 stig síðdegis. Snýst í suðvestan hvassviðri V-lands um kvöldið með skúrum eða slydduéljum.

Á þriðjudag:
Hvöss suðvestanátt og él, en bjartviðri um landið NA-vert. Kólnar í veðri, vægt frost seinnipartinn.

Á miðvikudag:
Minnkandi suðvestanátt og éljagangur, en þurrt á NA- og A-landi. Frost 0 til 6 stig. Hvessir um kvöldið og hlýnar.

Á fimmtudag:
Suðlæg átt og snjókoma eða slydda með köflum. Kólnar aftur.