,,Ég get bara sagt það alveg eins og er þannig að það dyljist engum að þær kröfur sem settar hafa verið fram núna eru fyrir samninganefnd ríkisins algerlega óaðgengilegar, vegna þess að þær myndu setja fordæmi sem settu allar aðrar kjaraviðræður sem eru á viðkvæmu stigi í þessu landi á þessu ári og því næsta, í algert uppnám.“ Segir Bjarni Benediktsson
Halldóra Mogensen, þingmaður Pírata spurði frétta af kjaradeilu ljósmæðra á Alþingi í dag. ,,Ég er ekki í einhverri keppni um hverjum þyki vænst um ljósmæður. Ég geri mér fulla grein fyrir því að hæstv. ráðherra á börn. Ég á börn. Við eigum flest börn og skiljum alveg hversu mikilvægt starf ljósmæðra er.
Það sem ég spyr hæstv. fjármálaráðherra (Bjarna Benediktsson) um er: Hver ber ábyrgð á neikvæðum afleiðingum uppsagna ljósmæðra fyrir samfélagið og fyrir konur og börn sérstaklega? Ljósmæður eru að segja upp og ef við náum ekki þessum samningum, hver ber endanlega ábyrgð á þeim neikvæðu afleiðingum sem það hefur fyrir samfélagið að missa þessar konur úr vinnu og af spítalanum í aðra vinnu, af því að launin þeirra eru ekki nægilega góð? Hver ber ábyrgð? Það er eina svarið sem ég vil fá. Sagði Halldóra Mogensen
Bjarni Benediktsson svaraði fyrirspuninni. ,,Við skipum samninganefnd ríkisins sem hefur það ábyrgðarhlutverk að láta reyna á samninga. Það er tvíeggjað sverð. Annars vegar þarf að láta reyna til fulls á að niðurstaða fáist sem báðir aðilar eru sáttir við. Ef það tekst ekki þá getur það verið mikill ábyrgðarhlutur sömuleiðis að ganga engu að síður að kröfum sem setja aðra samninga í fullkomið uppnám.
Ég get bara sagt það alveg eins og er þannig að það dyljist engum að þær kröfur sem settar hafa verið fram núna eru fyrir samninganefnd ríkisins algerlega óaðgengilegar vegna þess að þær myndu setja fordæmi sem settu allar aðrar kjaraviðræður, sem eru á viðkvæmu stigi í þessu landi á þessu ári og því næsta, í algert uppnám. Það er ástand sem við ætlum ekki að skapa í þessari lotu. Tengdar fréttir: >
https://frettatiminn.is/2018/14/03/thagnarmur-stjornmalamanna-um-kjararad-hefur-rofnad-styrmir-gunnarsson/
https://frettatiminn.is/2018/31/03/medan-samninganefnd-rikisins-sefur-sefur-verdinum/