Við rannsókn á Al-Thani málinu kvörtuðu sakborningar undan hlerunum Sérstaks saksóknara en sumir þeirra fengu fleiri en einn fangelsisdóm fyrir glæpi og hæstu dóma sem hægt er að kveða upp fyrir fjársvik á Íslandi.

Hreiðar Már Sigurðsson,Magnús Guðmundsson, Sigurður Einarsson og Ólafur Ólafsson voru allir dæmdir í óskilorðsbundið fangelsi og sátu inni á Kvíabryggju og í dómnum segir að þeir eigi sér engar málsbætur.

Lögmaður Hreiðars Más Sigurðssonar, fyrrverandi forstjóra Kaupþings, lagði í Héraðsdómi Reykjavíkur fram kröfu þess efnis að skýrslur verði teknar af sjö aðilum sem tengjast Al-Thani málinu svokallaða. Meðal þeirra eru rannsakendur sérstaks saksóknara.

Hörður Felix Harðarson, lögmaður Hreiðars, sagði að verði skýrslutökurnar heimilaðar, muni það varpa frekara ljósi á ásakanir um ólöglegar símhleranir embættis sérstaks saksóknara. Hörður Felix kærði embættið til ríkissaksóknara fyrir ólögmætar hlustanir á milli sín og skjólstæðings síns, Hreiðars Más.

Magnús Guðmundsson kvartaði í dómsal yfir símahlerunum en hann var einnig sakborningur í Marple málinu eins og í fleiri sakamálum á hendur honum

Í ávarpi sínu sagði Magnús frá því sem hann taldi vera ólög­lega hler­un á síma sín­um, far­bann sem hann taldi í tráss við mann­rétt­indi sín og aðeins nýtta af sak­sókn­ara til að geta hlerað síma hans, sem ekki hefði verið hægt er­lend­is.

Sakborningar í Al-Thani málinu hlutu þunga dóma fyrir það sakamál – ,,Ákærðu eiga sér engar málsbætur“ segir í dómnum en hér eru aðeins dómar í þessu tiltekna máli:

• Hreiðar Már Sigurðsson, fyrrverandi forstjóri Kaupþings, var dæmdur í fimm og hálfs árs fangelsi. Dómurinn er óskilorðsbundinn. 

• Magnús Guðmundsson, fyrrverandi forstjóri Kaupþings í Lúxemborg var dæmdur í þriggja ára fangelsi óskilorðsbundið.

• Sigurður Einarsson, fyrrverandi stjórnarformaður Kaupþings, var dæmdur í fimm ára fangelsi, óskilorðsbundið. 

• Ólafur Ólafsson fjárfestir hlaut þriggja og hálfs árs fangelsisdóm óskilorðsbundinn. 

Í dómnum segir:

,,Hin refsiverðu viðskipti ákærðu vörðuðu verulegum fjárhæðum. Eiga brotin sér ekki hliðstæðu í íslenskri réttarframkvæmd. Þá er við ákvörðun refsingar litið til þess að verulegt fjárhagslegt tjón hlaust af brotum ákærðu, sem fullframin voru á tímabilinu 18. til 23. september 2008. Eiga ákærðu sér engar málsbætur.“

75 milljarðar millifærðir í skattaskjól

All­ir áður hlotið fangelsisdóma – Fjármunir í skattaskjólum

Chesterfield mál­ið 75 milljarðar – Stærra en neyðarlán Seðlabanka Íslands

,,Um­fang þeirra viðskipta sem sér­stak­ur sak­sókn­ari ákær­ir fyr­ir í Chesterfield-mál­inu svo­kallaða nem­ur 510 millj­ón­um evra eða um 75 millj­örðum á gengi dags­ins í dag og 67-69 millj­örðum á gengi þess tíma sem viðskipt­in áttu sér stað. Þetta er svipuð upp­hæð og neyðarlán Seðlabank­ans til Kaupþings sem veitt var 6. októ­ber 2008, en það hljóðaði upp á 500 millj­ón­ir evra.

Þótt málið hafi orðið þekkt sem Chesterfield-málið nær það til lán­veit­inga sem fóru til sex fé­laga í heild. Voru þau öll skráð á Bresku Jóm­frúareyj­un­um. Þá var ítarlega fjallað um málið á Vísi sjá frétt hér og skjáskot að ofan:

Íslendingar í Panama-skjölunum – Aflandsfélög í skattaskjólum?