Lilja Alfreðsdóttir ferðamálaráðherra, opnaði formlega í dag nýjan vef Safe Travel í Björgunarmiðstöðinni í Skógarhlíð. Undanfarna mánuði hefur verið unnið að mikilli uppfærslu á vefnum og samsvarandi smáforriti.
Einfaldara verður fyrir ferðafólk að skrá ferðaáætlun sína á vefnum og reyna að standa við hana því ef aðstandendur heima telja að eitthvað hafi komið fyrir viðkomandi, þá er hægt að grennslast fyrir á þeim stöðum sem viðkomandi sagðist ætla á (t.d. gististaðir).
Nú þegar stefnir í að fjöldi erlendra ferðamanna muni leggja leið sína að gosstöðvunum við Litla Hrút, er tilvalið að við íslendingar hvetjum það ferðafólk sem við komumst í snertingu við, til að skilja eftir ferðaáætlun á Safetravel.is áður en það leggur af stað á gosstöðvar og skrá farsímanúmerið sitt í að fá viðvaranir í sms. Á heimasíðunni verða líka uppfærðar upplýsingar um gosið, aðstæður á svæðinu og góð ráð um aðkomu, klæðnað og fleira.
Smáforritið gefur upplýsingar um færð á vegum í rauntíma. Þar er líka hluti fyrir göngufólk sem gerir fólki kleift að senda GPS staðsetningu sína handvirkt til neyðarlínunnar með sms. Fyrir utan útlitsbreytingu hefur allur texti á vefnum verið gerður hnitmiðaðri og auðlesnari.
Umræða