Hugleiðingar veðurfræðings
Í gær og í nótt var suðaustanstormur á landinu og fór vindurinn mest í 36 m/s á Stórhöfða. Veðrið var óvenjulegt að því leyti að spár breyttust ört og litlir hnútar mynduðust á skilunum sem mögnuðu vindinn upp staðbundið. Nú í morgunsárið eru allar viðvaranir runnar út, en þó eru ekki allir hnútar farnir þannig að vindurinn gæti hlaupið upp aftur á stöku stað.
Einna helst er að nefna V-land nálægt Langjökli um hádegi og með S-ströndinni í kvöld. Annars stefnir í strekkings austanátt í dag, jafnvel allhvassan vind, og rigningu SA-lands, en skúri eða slydduél annars staðar, einna síst á N-landi.
Á morgun dregur frekar úr vindi og kólnar víða. Útlit er fyrir él með A-ströndinni, en skúri eða slydduél annars staðar. Á miðvikudag snýst síðan í norðlægari áttir og frystir allvíða á landinu.
Veðurhorfur á landinu
Minnkandi austlæg átt, 10-18 m/s upp úr hádegi, en hægari suðvestanlands. Hvessir með suðurströndinni seinnipartinn, 15-20 m/s um tíma, en lægir aftur í kvöld. Rigning suðaustantil, þurrt að kalla fyrir norðan, en skúrir eða slydduél í öðrum landshlutum. Hiti 0 til 6 stig að deginum.
Suðaustan 5-13 m/s á morgun og kólnar. Þurrt norðantil, annars víða skúrir eða él. Frost 0 til 6 stig, en hiti upp í 5 stig sunnan- og vestanlands.
Spá gerð: 11.11.2019 10:34. Gildir til: 13.11.2019 00:00.
Veðurhorfur á landinu næstu daga
Á miðvikudag:
Norðaustlæg átt 3-10 m/s og dálítil él norðaustan- og austanlands, en léttskýjað um landið sunnan- og vestanvert. Frost víða 0 til 6 stig.
Á fimmtudag:
Norðlæg átt, 3-10 m/s og léttskýjað, en lítilsháttar él með norður- og austurströndinni. Vaxandi sunnanátt vestast um kvöldið. Kalt í veðri.
Á föstudag:
Hvöss sunnanátt með talsverðri rigningu og hlýnar. Vestlægari um kvöldið með skúrum eða éljum og kólnar aftur.
Á laugardag:
Vestlæg átt og él eða skúrir, en léttskýjað austantil á landinu. Hiti kringum frostmark um landið sunnan- og vestanvert en annars frost 0 til 6 stig.
Á sunnudag:
Útlit fyrir norðvestlæga átt og él með norðurströndinni en annars þurrt veður. Hiti breytist lítið.
Spá gerð: 11.11.2019 08:02. Gildir til: 18.11.2019 12:00.
