0.8 C
Reykjavik
Fimmtudagur - 2. febrúar 2023
Auglýsing

Enn er víða rafmagnslaust vegna óveðurs

Auglýsing

Auglýsing

Nýjar fréttir

Auglýsing

Neyðarstjórn RARIK að störfum í Reykjavík í samvinnu við landshlutabundnar vettvangsstjórnir fyrirtækisins

Hér að neðan birtast fréttir af stöðu dreifikerfisins eftir því sem tilefni verða til vegna óveðurs 10.-12. desember 2019. Auk þess upplýsum við um stöðu mála á tilkynningasíðu og á kortasjá.
Uppfært 10.12.2019 – kl. 22:12:
Enn er víða rafmagnslaust í Húnaþingi Vestra. Keyrt er á díselvélum á Raufarhöfn, Þórshöfn, Kópaskeri og Bakkafirði. Rafmagn er komið á Húsavík og vonast er til þess að það haldist. Ennþá er rafmagnslaust hluta Tjörness. Starfsmenn RARIK munu reyna að lagfæra bilanir eftir því sem veður leyfir en búast má við truflunum í alla nótt á Norðurlandi. Það sama mun svo ganga yfir Suður- og Austurland eftir því sem óveðrið færist þar yfir.
Uppfært 10.12.2019 – kl. 20:00:

Birt fyrst á vef kl. 16:27: Rafmagnstruflun er í gangi í landskerfinu frá aðveitustöð í Hrútafirði og er því rafmagnslaust hjá raforkunotendum í Hrútafirði, Miðfirði, Laugarbakka og Hvammstanga.
Uppfært kl. 20:00: Enn er rafmagnslaust á svæðinu kl. 20:00. Viðgerðarmenn hafa verið á leiðinni frá Hvammstanga á snjóbíl en ferðin hefur sóst seint vegna mikillar blindu og veðurhæðar. Ekki er ljóst á þessari stundu hvenær þeir komast að aðveitustöðinni í Hrútatungu.

Uppfært 10.12.2019 – kl. 17:44:
Rafmagnslaust er í Svarfaðardal bæði að Austan- og Vestanverðu og búist er við að rafmagnsleysi vari eitthvað áfram þar sem ekki er hægt að hefja viðgerð fyrr en veður gengur eitthvað niður.
Uppfært 10.12.2019 – kl. 16:20:
Rafmagnslaust er á Sauðárkróki vegna bilunar í landskerfinu. Vinna er hafin við að koma varavélum í gang og verður rafmagn skammtað á notendum. Við biðjum alla notendur til að fara sparlega með rafmagn.
Uppfært 10.12.2019 – kl. 14:50:
Komið hefur í ljós að flutningslína Landsnets frá Laxá til Kópaskers er úti og ljóst að ekki verður hægt að gera við hana strax þar sem fjöldi staura hafa brotnað. Í ljósi þess verða díselvélar keyrðar á Kópaskeri, Raufarhöfn, Bakkafirði og Þórshöfn. Ennþá verður rafmagnslaust í Kelduhverfi og Öxarfirði. Í dreifikerfinu eru bilanir og truflanir m.a. í Svarfaðardal, á Tjörnesi ásamt Skaga og Reykjaströnd. Fólk er beðið um að spara rafmagn eins og kostur er til að komast hjá frekari skömmtunum.