Varúð! Vaxandi stuldur á kortanúmerum

Núna ber mikið á fölskum skilaboðum sem m.a. eru send í nafni póstflutningafyrirtækja og efnisveita. Í þessum skilaboðum er fólki gjarnan beint inn á falskar netsíður þar sem það er beðið um að greiða reikninga með því að gefa upp kortaupplýsingar og öryggisnúmer. Í kjölfarið berast SMS skilaboð um að staðfesta aðgerðina. Ef fólk staðfestir aðgerðina t.d. með því að slá SMS kóðann á fölsku vefsíðuna og þar með afhenda tölvuþrjótunum kóðann, er það í raun að staðfesta heimild fyrir allt öðrum viðskiptum sem svikararnir standa fyrir. Fjárhæðirnar í þeim geta verið háar og miklu hærri en koma fram í falska reikningnum.

Töluvert er um þessar svikatilraunir og hættan á tjóni er mikil. Við hvetjum ykkur því til að lesa vandlega alla tölvupósta og öll SMS sem berast í tengslum við netverslun og aldrei slá inn kortaupplýsingar nema að vel athuguðu máli.

Á meðal þeirra leiða sem reyndar eru við svikin er að fá fólk til að skrá kortaupplýsingarnar í það sem virðist vera Apple Pay. Ekki er ólíklegt að einnig verði reynt að fá fólk til að skrá þær í aðrar greiðsluleiðir, s.s. Garmin Pay og Fitbit Pay.

Fáir þú óvænt tilkynningu um tilraun til að skrá kortið þitt í Apple Pay, eða um tilraun til skráningar kortsins með öðrum hætti án þinnar vitundar, skaltu þegar í stað hafa samband við viðskiptabankann þinn.Á meðal þeirra leiða sem reyndar eru við svikin er að fá fólk til að skrá kortaupplýsingarnar í það sem virðist vera Apple Pay. Ekki er ólíklegt að einnig verði reynt að fá fólk til að skrá þær í aðrar greiðsluleiðir, s.s. Garmin Pay og Fitbit Pay.

Fáir þú óvænt tilkynningu um tilraun til að skrá kortið þitt í Apple Pay, eða um tilraun til skráningar kortsins með öðrum hætti án þinnar vitundar, skaltu þegar í stað hafa samband við viðskiptabankann þinn.

Hvert leita ég eftir aðstoð?

Hafðu samband við þinn viðskiptabanka eins fljótt og auðið er ef þú telur þig hafa lent í svikum.

Landsbankinn

• s. 410-4000, landsbankinn@landsbankinn.is og netspjall á https://www.landsbankinn.is

Íslandsbanki

• s. 440-4000, islandsbanki@islandsbanki.is og netspjall á https://www.islandsbanki.is

Arion banki

• s. 444-7000, netsvik@arionbanki.is og netspjall á https://www.arionbanki.is

Sé um að ræða tilkynningu eftir lokunartíma bankanna skal hringja í neyðarnúmer greiðslumiðlunarfyrirtækja:

Valitor – s. 525-2000  Borgun – s. 533-1400

Við bendum jafnframt á að tilkynna svik til lögreglunnar á netfangið cybercrime@lrh.is

Hvernig get ég varist svikum?

Kynnið ykkur fræðsluefni bankanna til að vera betur í stakk búin til að verjast svikum.

Fræðsluefni:

Landsbankinn – sjá hér

Íslandsbanki – sjá hér

Arion banki – sjá hér