Tveir menn voru handteknir í miðbænum þar sem þeir höfðu í hótunum við dyraverði, mennirnir voru vopnaðir hnífum og bareflum. Þeir voru vistaðir í fangaklefum.
Eftirlit var með skemmtistöðum í miðbænum og forráðamenn eins skemmtistaðar eiga von á kæru þar sem dyraverðir voru án réttinda. Einnig voru aðilar undir aldri inni á staðnum. Tvö ungmenni kærð þar sem þau framvísuðu skilríkjum, sem voru ekki í þeirra eigu, og höfðu ekki aldur til að vera inn á staðnum.
Þá slasaðist kona á höfði eftir að hafa fallið fyrir utan hótel í hverfi 108, konan var flutt á slysadeild með sjúkrabifreið.
Umræða
