Daðey GK þurfti að fara í þrjár ferðir í mokveiði til að draga línuna. Vægast sagt er búin að vera ótrúleg mokveiði undanfarið og fjölluðu Aflafréttir um málið. Þar kemur fram að bátar hafi fengið meiri fisk en bátarnir hafa geta borið og því þurft að fara þrjár ferðir til að ná í fiskinn sem kom í veiðarfærin, til löndunar.
Mjög margir bátar hafa verið að koma með fullfermi í land og þá sérstaklega línubátarnir. Fyrir nokkrum dögum síðan þá var birt frétt um MOKVEIÐI með stórum stöfum um Vigur SF.
En það er víðar en fyrir austan sem mokveiði er búið að vera í gangi, bátar frá Snæfellsnesi hafa veitt mjög vel og til dæmis þá kom Gullhólmi SH 22,3 tonn sem fékkst á eina lögn. Uppreiknað í afla á bala þá var sá afli um 530 kíló á bala. Í þessu moki þá kemur það fyrir að bátar þurfi að fara í tvo róðra til þess að draga alla línuna, eins og gerðist með Vigur SF
Þrjár ferðir! – Daðey GK
En að bátur þurfi að fara í þrjár ferðir til þess að draga línuna er aftur á móti mun sjaldséðra. En það var einmitt það sem að Kiddó Arnberg, skipstjóri á Daðey GK ásamt áhöfn sinni lenti í núna um helgina. Aflinn hjá þeim var það mikill að þeir þurftu að fara í þrjár ferðir til þess að draga alla línuna. Þeir fóru út frá Sandgerði og voru með línuna ekki langt frá Sanderðishöfn. Í heildina voru þeir með 16 rekka eða um 18500 króka. Segir í frétt á vefnum AFLAFRÉTTIR.IS
Róður 1
Eftir að þeir voru búnir að leggja línuna þá fóru þeir strax í að draga endann, og það var ljós strax að mokveiði væri að ræða eftir að hafa dregið 8 rekka eða um 9400 króka þá var báturinn orðinn fullur af fiski. Svo það var farið í land , og úr bátnum þá komu 11,7 tonn. það gerir reiknast á bala 533 kíló á bala.
Róður 2
Aftur þá fóru strákarnir á Daðey GK út, og bjuggust við að klára að draga alla línuna, enn nei aldeilis ekki því eftir að hafa aðeins dregið 5 rekka eða 5800 króka, þá var báturinn aftur orðinn fullur. Því þurfti því að fara aftur í land til þess að landa aflanum og þá komu úr bátnum 10,1 tonn, það gerir 719 kíló á bala sem er algjört mok.
Róður 3
Áfram var haldið, núna þurfti áhöfnin að fara í þriðja róðurinn, og í síðasta leggnum voru aðeins 3 rekkar, en hlutfallslega þá var langmesta veiðin á þá króka því að áhöfnin dró þá króka og kom í land með 6,7 tonn , enn þetta reiknast sem aðeins 8 balar og það gerir 843 kíló á bala sem er mok og meira enn það. Þegar upp var staðið þá endaði dagurinn hjá Daðey GK í 28,6 tonnum , og það reiknast á bala sem um 650 kíló á bala.
Kiddó skipstjóri
Kiddó sagði í samtali við Aflafrettir að þetta hefði verið ansi gaman, og þegar að ljóst var að þeir þurftu að fara í róður númer 3. þá hugsaði Kiddó með sér að þetta væri að verða ansi langur dagur, enn þeir komu í land úr síðasta róðrinum kl 1910,
Þar sem lítil sem enginn vinnsla er hjá Vísi þá fór allur þessu afli hjá Daðey GK á Fiskmarkað, og hefur róðrum bátsins verið stýrt síðan 10 nóvember út því sem er að gerast í Grindavík, en stílað er að báturinn veiði þá daga sem henti að landa á Fiskmarkaði. , enda eins og Kiddó segir, ,,Vísir er frábært fyrirtæki að vinna fyrir“
Auglýsing – https://arnfjord.uk/
