Fimm skiptu með sér 2. vinningi og hlýtur hver þeirra rúmar 85 milljónir króna
Það var ljónheppinn lottóspilari í Stuttgart í Þýskalandi sem var aleinn með allar tölur kvöldsins og fær því óskiptan 1. vinning sem hljóðaði upp á rúma 9,7 milljarða. Fimm skiptu með sér 2. vinningi og hlýtur hver þeirra rúmar 85 milljónir króna, fjórir miðanna voru keyptir í Þýskalandi og einn í Tékklandi. 3. vinningur skiptist á milli 13 miðahafa sem hver um sig fær 11,5 milljónir í vasann, miðarnir voru keyptir í eftirtöldum löndum; Danmörku, Finnlandi, Hollandi, tveir í Svíþjóð og átta í Þýskalandi.
Enginn var með 1. vinning í Jóker en tveir voru með 2. vinning og fær hvor þeirra 100 þúsund kall í vinning, annar miðinn var keyptur á heimasíðunni okkar lotto.is en hinn í N1 á Hellissandi.
Umræða
