Nóg var að gera hjá lögreglunni á höfuðborgarsvæðinu í nótt samkvæmt punktum úr dagbók næturinnar og sex vandræðagemsar voru vistaðir í óumbeðinni gistingu í fangageymslu, eins og oft vill verða um helgar
- Tilkynnt um að aðili hefði brotist inn í íbúð í hverfi 101. Aðilinn flúði vettvang og leitaði lögregla af honum en hann fannst ekki. Málið í rannsókn hjá lögreglu.
- Tilkynnt um mann sem neitaði að yfirgefa slysadeild. Lögregla á vettvang og var manninum vísað út og fór hann sína leið.
- Tilkynnt um hávaða í heimahúsi í hverfi 108. Þarna var aðili að halda upp á afmælið sitt og lofaði hann að lækka í tónlistinni.
- Tilkynnt um að aðili hafi læst sig inn á baði á veitingahúsi í miðbænum. Lögregla kom á vettvang og var honum vísað út.
- Aðili kærður fyrir vörslu á fíkniefnum. Hefðbundið ferli hjá lögreglu.
- Tilkynnt um óvelkominn aðila á hóteli í hverfi 108. Aðilinn hafði læst sig inni á klósetti og var honum vísað út af lögreglu.
- Tilkynnt um að aðili hafi dottið niður stiga á skemmtistað í miðbænum. Lögregla og sjúkralið á vettvang og voru meiðsli minni háttar. Fluttur á slysadeild til frekari aðhlynningar.
- Tilkynnt var um aðila vera að stela símum á skemmtistað í miðbænum. Lögregla á vettvang og var einn aðili handtekinn grunaður um þjófnað. Gistir hann nú fangageymslu lögreglu í þágu rannsóknar máls.
- Tilkynnt um slasaðan aðila í miðbænum. Þarna höfðu vinir verið í „gamni slag“ og annar þeirra hrasað fram fyrir sig. Aðilinn fluttur á slysadeild til frekari aðhlynningar.
- Tilkynnt um aðila í tökum hjá dyravörðum á skemmtistað í hverfi 220. Aðilinn lét öllum illum látum við lögreglu og var handtekinn og fluttur á lögreglustöð .
- Tilkynnt um eld inni á baðherbergi á stoppistöð strætó í hverfi 109. Þarna hafði einhver kveikt í sápu skammtara og voru minniháttar skemmdir. Málið í rannsókn hjá lögreglu.
- Tilkynnt um rúðubrot í hverfi 200. Málið í rannsókn hjá lögreglu.
- Tilkynnt um þjófnað í verslun í hverfi 109. Hefðbundið ferli hjá lögreglu.
- Tilkynnt um aðila til vandræða á skemmtistað í hverfi 112. Lögregla á vettvang.