Auðvitað greiðum við hæstu húsnæðisvexti í heimi líka!
Á okureyjunni Íslandi er vandlifað nema fyrir elítuna sem græðir á bankaþrælum sem eru fastir í fátætargildru verðtryggingar vegna krónunnar og öðru heimatilbúnu okri á öllum sviðum. FÍB vakti athygli á því að við erum að borga þriðjungi meira fyrir eldsneyti m.v. aðrar þjóðir sem þýðir að fyrir líter sem kostar yfir 300 kr. hér eru greiddar 200 kr. þar sem ekki er okrað á fólki. Við borgum líka helmingi meira fyrir tryggingarnar s.l. 50-60 ár a.m.k! Auðvitað greiðum við hæstu húsnæðisvexti í heimi líka!
Eyjunni er og hefur verið stjórnað í hálfa öld eða meira af öflum sem er slétt sama um almenning, þ.e. vinnandi og heiðarlegt fólk. Hér eru stýrivextir hundruðum prósenta hærri en í nágrannalöndum og okurvextir og þjónustugjöld skila bönkunum hundruðum milljarða í hagnað á ári á kostnað þjóðarinnar.
Ríkisstjórnin hefur misst öll tök á fjármálum og skuldasöfnunin er alveg gríðarleg. Þá hefur verðbólgan aldrei verið hærri né skattpíningin í boði ríkisstjórnarinnar sem hefur aukist gríðarlega sem og tollar á innfluttum vörum.
Þá er þessi hlægilega örmynt, krónan verðlaus eina ferðina enn og ranglega skráð niður í 101 Reykjavík, enda enginn frjáls markaður með þennan fáránlega heimatilbúna gjaldmiðil sem erlendir aðilar vita oft á tíðum ekki um að sé til.
Hér er algert stjórnleysi á öllum sviðum og eftir höfðinu dansa limirnir! Þá hnaut ég um þessa umræðu á facebook sem ég skráði hjá mér og læt hér fylgja svo fólk átti sig á því að hér er ekki búandi fyrir okri:
,,Íslenskur maður keypti 40 milljóna króna einbýlishús í Danmörku, hann tók 20 milljón króna lán (m.v. gengi á íslenskri krónu) á 3% vöxtum út lánstímann og greiðir fasta afborgun sem er 110.000 kr. á mánuði. Svo sendi hann mér póst, sjá mynd:“
