Töluverð jarðskjálftavirkni er á Reykjanesskaga en hún hófst með þriggja komma níu stiga skjálfta norðaustur af Reykjanestá þegar klukkan var tuttugu mínútur í tíu.
Lýsing á skjálftavirkni vikunnar
Tæplega 630 jarðskjálftar voru staðsettir með SIL-mælakerfi Veðurstofu Íslands í vikunni, mest virkni var á Reykjanesskaga og þar mældust um 150 skjálftar í jarðskjálftahrinu í austanverðu Sýlingarfelli norðnorðaustan við Grindavík, þar mældust 2 skjálftar stærri en 3,0 að stærð og mældist þar stærsti skjálfti vikunnar af stærð 3,3 þann 3. apríl kl. 14:19, hann fannst í Grindavík.
Úti fyrir landi mældust einnig margir skjálftar einn af þeim var austan við landið, af stærð 2,7 og mældist hann við mörk landgrunns Íslands í um 110km austur af Dalatanga.
Reykjanesskagi
Um 350 jarðskjálftar mældust á Reykjanesskaga í liðinni viku. Stærsti jarðskjálftinn mældist af stærð 3,3 þann 3. apríl kl. 14:19, hann mældist í austanverðu Sýlingarfelli um 4,5 km NNA af Grindavík. Þar varð stutt jarðskjálftahrina þann dag en það fór að draga úr jarðskjálftavirkninni þar sama kvöld og svo koðnaði hún niður um nóttina. Í viku 13 mældust þar um 150 skjálftar, tveir þeirra stærri en 3,0 að stærð og einn 2,9 að stærð. Tæplega 40 skjálftar mældust við Reykjanestá í vikunni fremur dreifðir, rúmir 40 við Fagradalshraun og aðrir tæpir 40 skjálftar umhverfis Kleifarvatn. Úti á Reykjaneshrygg mældust 5 jarðskjálftar 1 þeirra um 50km suðvestur af Reykjanestá, aðrir þrír mældust á Boðagrunni í um 80 km fjarlægð frá landi og sá fimmti mældist svo enn suðvestar á Reykjaneshryggnum í um 350km suðvestur af Reykjanestá.
Suðurland
Tæplega 70 jarðskjálftar mældust á Suðurlandi í vikunni. Stærsti skjálftinn var 1,9 að stærð 2. apríl um 7km austan við Selfoss. Um 50 skjálftar mældust á Hengilssvæðinu í vikunni; þar var þyrping skjálfta í Reykjarfjalli austan Hveragerðis. Aðrir skjálftar dreifðust um Suðurlandsbrotabeltið. Enginn skjálfti mældist við Heklu í vikunni.
Norðurland
Rúmlega 130 jarðskjálftar voru staðsettir á Norðurlandi í liðinni viku, flestir úti fyrir landi. Norðaustan við Grímsey voru 35 jarðskjálftar staðsettir, sá stærsti 2,6 að stærð. Um 20 skjálftar mældust í Öxarfirði, sá stærsti 2,1 að stærð. Fimm aðrir smáskalftar mældust á Grýmseyjarbeltinu. Á utanverðum Skjálfanda mældust tæpir 20 jarðskjálftar allir undir 2,0 að stærð og vestast á Húsavíkur ¿Flateyjarmisgenginu mædust aðrir 5 skjálftar einnig smáir. Rúmir 20 skjálftar mældust í þyrpingu á Eyjafjarðarál sá stæsti þar mældist 2,3 að stærð, einn skjálftin var utar af stærð 1,7. Fjórir skjálftar mældust langt fyrir norðan land um 130km norður af Kolbeinsey og voru þeir milli 2,5 og 3,0 að stærð. Á landi mældist 1 skjálfti á Tröllaskaga 1,4 að stærð. Rúmur tugur smáskjálfta mældust við Kröflu og um 5 skjálftar við Þeistareyki. Í Kelduhverfi mældust 4 smákskjálftar.
Hálendið
Um 30 skjálftar mældust undir Vatnajökli í liðinni viku. Stærsti skjálftinn var 2,4 að stærð í Bárðarbungu þann 3. mars kl. 19:14. Í berggangingum svokölluðum rétt austan Bárðabunguöskjunnar voru staðsettir tæpir 15 jarðskjálftar allir undir 1,0 að stærð. Fimm smáskjálftar mældust í Grímsvötnum sömuleiðis allir undir 1,0 að stærð. Við Vestari Skaftárketilinn mældust 4 skjálftar, sá stærsti 2,1 að stærð. Nokkrir smáskjálftar mældust við Hamarinn. Norðan Vatnajökuls var fremur róleg virkni, tveir jarðskjálftar mældust norðan við Öskju og rúmur tugur skjálfta mældust umvherfis Herðubreið og Herðubreiðartögl.
Vesturland
Á Vesturlandi mældist einn skjálfti í Gjavdal vestan Grjótárvatns af stærð 2,4. , einn skjálfti mældist í Stafhlotstungum um 6km norðan við Kleppjárnsreyki 1,6 að stærð.
Mýrdalsjökull
7 jarðskjálftar mældust við Kötluöskjunna í vikunni, stærsti skjálftinn mældist 1,2 að stærð. Það mældust 2 skjálftar undir 1,0 að stærð mældust í hlíðum Eyjafjalla og einn sunnan Kötlu í Klofningunum. Á Torfajökulssvæðinu mældust 3 smáskjálftar.
Nánar er hægt að skoða skjálftavirkni á landinu í Skjálfta-Lísu
