Veðrið um páskana

Hugleiðingar veðurfræðings

Austlæg átt, allhvöss eða hvöss og dálítil rigning eða slydda syðst, en annars mun hægari og smál él eystra, en annars bjart með köflum. Fremur hlýtt á sunnanverðu landinu, en kringum frostmark norðan til. Væta með köflum á sunnanverðu landinu á morgun, en annars þurrt og hlýnar heldur. Suðaustanstrekkingur og rigning með köflum á miðvikudag, en þurrt norðaustan til og fremur hlýtt í veðri.

Veðuryfirlit
600 km SV af Írlandi er kyrrstæð 991 mb lægð, sem grynnist heldur en yfir Grænlandi er kyrrstæð 1030 mb hæð. Um 1000 km S af Hvarfi er 977mb lægð Skammt A af Nýfundnalandi er vaxandi 973 mb lægð, sem þokast ANA.

Veðurhorfur á landinu
Austan- og norðaustan 5-13 m/s og 13-18 syðst. Lítilsháttar rigning við suðurströndina og stöku él norðaustan og austantil annars víða bjartviðri. Dregur úr vindi og úrkomu í kvöld. Hiti 0 til 10 stig yfir daginn, mildast suðvestanlands. Dálítil rigning með köflum sunnanlands á morgun, en þurrt fyrir norðan og hlýnar heldur.

Veðurhorfur á höfuðborgarsvæðinu
Austan 3-10 m/s, bjart með köflum og hiti 3 til 8 stig, en lítilsháttar væta seint á morgun og hlýnar dálítið.

Veðurhorfur á landinu næstu daga
Á fimmtudag:
Suðaustan 10-18 m/s og rigning, talsverð á Suðausturlandi en úrkomulítið norðaustantil. Hiti 5 til 12 stig, hlýjast fyrir norðan.

Á föstudag:
Sunnan 8-15 m/s og rigningu í fyrstu. Skúrir vestantil eftir hádegi en styttir upp austanlands. Áfram úrkomulítið á Norðurlandi. Hiti 5 til 10 stig.

Á laugardag:
Suðlæg átt, 5-13 m/s. Skýjað með köflum á Norður og Austurlandi en skúrir eða rigning sunnan og vestanlands. Hiti breytist lítið.

Á sunnudag:
Fremur hæg suðvestlæg átt, skýjað með köflum og yfirleitt þurrt. Heldur kólnandi og hiti 3 til 9 stig, en líkur á vægu næturfrosti.

Á mánudag:
Snýst í norðaustan 8-13 m/s. Dálítil væta við austurströndina, skýjað um landið norðanvert en bjart með köflum syðra. Fremur svalt í veðri en hiti að 9 stigum syðst.