0.8 C
Reykjavik
Laugardagur - 4. febrúar 2023
Auglýsing

Hafnarfjörður sagður hafa tapað 50 milljörðum á sölu í kvótakerfinu og nú eigi að tapa á HS veitum

Auglýsing

Auglýsing

Nýjar fréttir

Auglýsing

Orkuverð til íbúa Hafnarfjarðar muni hækka

Harðar deilur hafa verið vegna fyrirhugaðrar sölu bæjarráðs Hafnarfjarðar á 15,42 prósenta hlut bæjarins í HS orku. Fulltrúar Samfylkingarinnar og Miðflokksins voru algerlega á móti sölunni og Sigurðar Þ. Ragnarssonar, bæjarfulltrúi Miðflokksins, leggur til að beðið verði með söluna þangað til það liggur fyrir, hvort ríkið hyggist ráðast í aðgerðir til stuðnings sveitarfélögum vegna útbreiðslu kórónuveirunnar: 
„Komi engin björgunarpakki frá ríkisvaldinu leggur fulltrúi Miðflokksins til að hafnar verði samningaviðræður við ríkið um kaup á umræddum hlut Hafnarfjarðarbæjar í HS-veitum. Ákvæði verði um forkaupsrétt bæjarfélagsins að hlutnum komi til endursölu hans. Með aukinni einkavæðingu á dreifikerfi HS-veitna eykst þrýstingur á hærra orkuverð til neytenda í þessu tilviki íbúa Hafnarfjarðar. Því leggst fulltrúi Miðflokksins alfarið gegn almennri sölu á hlut bæjarins í HS-veitum.“ Segir í bókun Sigurðar Þ. Ragnarssonar, bæjarfulltrúa Miðflokksins.

Hafnarfjörður sagður hafa tapað 50 milljörðum á sölu í kvótakerfinu og nú eigi að tapa á HS veitum

Á vefsíðunni Jæja.is er það rifjað upp að bæjarfélagið sjálft hafi eitt sinn átt kvóta en hafi selt hann og tapað gríðarlegum fjármunum á því:
,,Býrðu í Hafnarfirði? Ert lýðræðissinni? Viltu að Hafnfirðingar sjálfir, eigendur hlutar í HS Orku, taki ákvörðun um hvort hlutur bæjarbúa í fyrirtækinu verði seldur? Eða viltu að fulltrúar auðvaldsflokkanna í bæjarstjórn færi þessa almannaeign til hinna ríku og valdamiklu í einhverju bakherberginu, undir fölskum málflutningi um að bærinn sé betur settur með því að selja frá sér allar mjólkurkýr?

Stoppið þjófnaðinn

Sjálfstæðismenn seldu Bæjarútgerð Hafnarfjarðar á sínum til til Kristjáns Loftssonar í Hval og Þorsteins Más Baldursson í Samherja fyrir kúk og kanil, lögðu þar með grunninn að ríkidæmi þessara manna og lögðu í raun niður sjávarútveg í þessari glæsilegu sjávarbyggð sem Hafnarfjörður var. Ef bæjarútgerðin hefði ekki verið seld ætti bæjarsjóður í Hafnarfirði um 50 milljarða króna virði af kvóta og sjávarútvegur væri enn ein af stoðunum undir atvinnulífinu í firðinum.

Bjargið bænum
Ekki láta þetta lið komast upp með þetta aftur. Stoppið þjófnaðinn. Látið Hafnfirðinga sjálfa ákveða framtíð sína.
Skrifið undir kröfu um íbúakosningu, hér. Núna. Fresturinn er skammarlega stuttur. Hvetjið vini og vandamenn í Hafnarfirði til að skrifa undir. Bjargið bænum.“ Segir á vefsíðunni.
https://www.facebook.com/jaejajaejajaeja/posts/1341462229392641