Þessi ríkisfjölmiðill tekur götuorðróm og gerir að fréttum, sem og einhliða fullyrðingar sem styðjast ekki við nein gögn. RÚV hefur þannig verið þátttakandi í dómstóli götunnar svokölluðum, með sleggjudóma án þess að einstaklingar fái varið sig.

En það er ekki nóg með að þessi svokallaði fjölmiðill veitist að karlmönnum, fjölmörgum landsliðsmönnum í fótbolta og fleira, sem eru ódæmdir en var engu að síður refsað í framhaldi af umfjöllun RÚV, heldur gerði hann það nú að upphefja konu sem er nýlega dæmd fyrir að nema börn á brott og fara huldu höfði með þau. Bætist þessi fjölmiðill þar í hóp fjölmiðla sem hafa dásamað kvenkyns lögbrjóta. Hér um árið birtist forsíðuviðtal við Hjördísi Svan, sem einmitt sat inni vegna lögbrota sinna, en fjölmiðlar drógu upp hetjumynd af manneskjunni. Í drottningarviðtali sagðist hún stolt af fangelsisvistinni!

RÚV birti svo falsfrétt um finnska konu sem rændi barni og laug um ofbeldi frá föður og hjálpaði þannig til við að svipta föður forsjá yfir barni sínu. Svona áróður í stærsta fjölmiðli landsins hefur skelfileg áhrif! Stjórnvöld og jafnvel dómarar láta svo áróður fjölmiðilsins hafa áhrif á sig.

RÚV sýnir hér og sannar að þeir styðja við kvenkyns barnaræningja og upphefja þá í svokölluðum „fréttum“. Verið er að byggja upp jákvæða ímynd af manneskju sem braut fjölmörg lög. Það er eitthvað stórkostlega mikið að í samfélagi og hjá ríkisfjölmiðli sem kemst upp með svona ómenningu, að dásama kvenkyns brotamanneskjur, og ráðast reglulega á ódæmda karlmenn.

Karlmenn eru útilokaðir saklausir, konur sem gerast sekar um alvarleg lögbrot eru upphafnar fyrir ódæðin!