Leigir frá sér á 300.000 kr. en greiðir sjálf 16.000 – Börnin munu erfa milljarðana

,,Samkvæmt upplýsingum sem koma fram í skattuppgjöri útgerðanna í landinu og greiðslum í veiðigjöld, kemur í ljós að útgerðarfyrirtækin á Íslandi eru að greiða 16 krónur í veiðigjöld fyrir eitt kg. af þorski. Þessi niðurstaða staðfestir að þjóðin er ekki að fá neitt sem skiptir máli fyrir auðlind sína. 

Útgerðarmenn telja sjálfir, sanngjarnt verð fyrir kg. af þorski vera frá 271.11 krónum á kg. til 300 krónum. Meðaltalsverð sem frjáls markaður í viðskiptum útgerðarmanna sín á milli með kvóta til afnota innan eins árs eru 285,05 krónur fyrir hvert kg. af þorski sem er 20 sinnum hærra verð en þeir greiða fyrir afnot af sama kg. frá ríkinu. Þetta eru allt saman tölur sem liggja fyrir hjá hinu opinbera og eru reiknaðar út af embættismönnum ríkisins.

Þessu vill Frjálslyndi lýðræðisflokkurinn breyta og mun breyta ef hann fær umboð til þess. Ef þú kjósandi góður kýst að halda núverandi kvótakerfi við, þar sem 10-15 fjölskyldur njóta mesta arðs af auðlindinni okkar og börn þeirra erfi svo auðlindina og milljarðana, þá auðvitað kýstu það sama og þú kaust síðast. Ef þú vilt breytingar og að þjóðin njóti arðsins og að öll börn á Íslandi erfi auðlindir þess, þá veistu hvað þú átt að kjósa.

Útgerðin leigir tonnið frá sér á 300.000 krónur en geiðir sjálf 16.000 krónur í gjafakvótakerfi í leigu til þjóðarinnar

Þessar 16.000 krónur sem útgerðin er að borga þjóðinni fyrir afnot af auðlindinni okkar, hrekkur alls ekki fyrir kostnaði þjóðarinnar við að ríkisreka útgerðina. Við erum að greiða fyrir kostnað við Fiskistofu, Hafrannsóknarstofnun, Landhelgisgæslu og helling af stofnunum um allt land til að reka sjávarútveginn. Nú stendur til að þjóðin gefi útgerðinni nýtt varðskip og það mun kosta 6 til 7 milljarða. Veiðigjöldin voru 4,8 milljarðar og dugir ekki til að borga fyrir núverandi þjónustu. Þessu verður að linna!

Þetta er einfaldlega versta fiskveiðistjórnunarkerfi í heimi sem þarf að leggja niður og byggja upp á nýtt frá grunni með nýjum áherslum og fólki. Við höfum sett upp heildrænt kerfi sem við munum kynna á næstu vikum og við munum breyta gjafakvótakerfinu og færa auðlindír þjóðarinnar úr klóm einkavina, einokunar og haftakerfis, Íslandi til heilla.“

Frjálslyndi lýðræðisflokkurinn – Úr stefnuskránni 

Núverandi kvótakerfi – Heimild: Kvöldfréttir Stöðvar 2, kl.18:30, 10.febrúar 2021

Hér eru réttar tölur frá Fiskistofu um leiguverð frá kvótahöfum til leiguliða: