Boris Johnson, forsætisráðherra Bretlands, ræddi við Volodymyr Zelensky, forseta Úkraínu í dag þar sem hann fordæmdi „villimannslegar aðgerðir Pútíns“ og sagði að Bretar myndu halda áfram að leita leiða til að efla sjálfsvörn Úkraínu, samkvæmt upplýsingum frá Downing Street.
„Forsætisráðherrann sagði að villimannslegar aðgerðir Pútíns reyndu ekki bara á Úkraínu heldur mannkynið allt,“ bætti Johnson við. Zelensky fordæmdi dauða bandaríska blaðamannsins Brent Renaud og „ótal saklausra Úkraínumanna.“