Framan af degi má búast við ákveðinni austlægari átt með vætu sunnan- og vestantil á landinu en síðdegis lægir, suðlægari og styttir alveg upp í kvöld. Síðan taka við mildar og á köflum hlýjar suðlægar áttir, meira og minna út vikuna.
Hins vegar er það svo að þegar svo hlýtt loft kemur yfir landið úr suðri eða suðaustri þá fylgir nær undantekningalaust hár loftraki sem þéttist síðan í rigningu eða súld. Í þetta sinn er úrkoman fremur lítil en lengst af verður skýjað. Hlémegin fjalla, eins og í þessu tilfelli er norðanvert landið verður hins vegar þurrt og mun bjartara og eins og svo oft áður hlýnar meira þar. Hitatölur 12 til 18 stig þar verða algengar að deginum næstu daga en yfirleitt eitthvað svalara syðra.
Veðurhorfur á landinu
Suðaustan 8-15 og rigning með morgninum, einkum S- og V-lands. Sunnan 5-13 og úrkomulítið seinnipartinn. Hiti 7 til 14 stig í dag, hlýjast á N-landi.
Bætir heldur í vind og úrkoma S- og V-til á morgun og hiti 8 til 18 stig, svalast við SA- og A-ströndina.
Yfir Grænlandi er 1035 mb hæð, en um 350 km A af Jan Mayen er 1018 mb lægð sem fer A og grynnist. Á Norðursjó er 1041 mb hæð, en um 550 km VSV af Reykjanesi er 992 mb lægð sem fer hægt VNV. Langt SV í hafi er víðáttumikil 979 mb lægð sem þokast N.
Veðurhorfur á landinu næstu daga
Á miðvikudag:
Sunnan og suðaustan 8-13 m/s, skýjað og rigning öðru hverju S- og V-lands. Hægari vindur og bjart með köflum á N- og A-landi. Hiti 8 til 18 stig, hlýjast norðan heiða.
Á fimmtudag:
Sunnan 3-8 og víða léttskýjað N- og A-lands, en skúrir á S- og V-landi. Hiti breytist lítið.
Á föstudag, laugardag og sunnudag:
Austlæg átt og víða léttskýjað á NA-verðu landinu, annars skýjað með köflum og stöku skúrir. Hiti 8 til 18 stig, svalast á annesjum N- og A-lands.
Spá gerð: 13.05.2019 08:37. Gildir til: 20.05.2019 12:00.
