Sigurður Þ. Ragnarsson, sem er vel þekktur undir nafninu Siggi stormur vegna starfa hans við veðurfræði. Birti á síðu sinni beiðni um hugheilar bænir fyrir son sinn Árna Þórð um jólin en Árni Þórður var þá í lífshættu. Bundinn við öndunarvél í margar vikur og barðist fyrir lífi sínu á gjörgæsludeild, vegna alvarlegra líffærabilunar.
Betur fór en á horfðist og Árni Þórður, sem var um langa hríð á milli heims og helju, losnaði úr öndunarvél á dögunum og er nú í krefjandi endurhæfingu á Grensás. Sigurður er innilega þakklátur öllum þeim sem hjálpuðu syni sínum og er mjög auðmjúkur og einlægur í viðtali hjá Magnúsi Þór Hafsteinssyni.
Ljóst er að áfallið og lífsreynslan hafði mjög djúpstæð áhrif á Sigurð og fjölskyldu hans. Þá segir Sigurður að lífsviðhorf og fleira hafi breyst við þessa miklu og átakanlegu lífsreynslu eins og fram kemur í viðtali sem birt var á útvarpi Sögu og er hér að neðan. Þar er jafnframt rætt um bæjarmálin í Hafnarfirði ofl.
Ráðríkir arkitektar og raflínur höfðu neikvæð áhrif á uppbyggingu nýrra hverfa í Hafnarfirði
https://gamli.frettatiminn.is/26/12/2021/arni-thordur-berst-fyrir-lifi-sinu-a-gjorgaesludeild/
https://gamli.frettatiminn.is/01/01/2022/arni-thordur-er-enn-i-lifshaettu/
