Þrjátíu manns, úr röðum útgerðarmanna, ruddist inn í hús og yfirbuguðu mann sem þeir svo rændu
Þann 19. janúar árið 1932 var von á fisktökuskipinu Vestra til Keflavíkur. Deginum áður hafi ASÍ sent útgerðamönnum í Keflavík tilkynningu um að afgreiðslubann hefði verið sett á alla báta í Keflavík uns samið hefði verið við þá nýstofnað Verkamannafélag Keflavíkur sem þá stóð í strönduðum viðræðum við útgerðarmennina.
Viðbrögðin léttu ekki sér standa. Aðfararnótt 20. janúar ruddust margmennur hópur, sumir segja allt að 30 manns, úr röðum útgerðarmanna inn í hús það þar sem formaður Verkamannsfélagsins, Axel Björnsson dvalist sem gestur Þorgerðar Einarsdóttur og hugðust setja hann í poka sem þeir höfðu meðferðis og flytja hann með valdi úr Keflavík.
Ekki þurfti að poka Axel, því hann klæddi sig en eftir hávært rifrildi þar sem útgerðarmenn héldu því fram að þótt Axel stundaði vinnu sem bifvélavirki í Keflavík ætti hann lögheimili í Reykjavík og ÞAR ÆTTI HANN AÐ HALDA SIG, var Axel tekinn með valdi og færður niður á bryggju og um borð í mótorbátinn Bjarna Ólafsson sem sigldi með hann nauðugan til Reykjavíkur þá um nóttina. Þar var hann settur í land og varaður við að koma nokkru sinni aftur til Keflavíkur eða hann skyldi verra af hljóta.
Daginn eftir kærði Axel ránið á sér til lögreglu en þar sem mannræningjarnir höfðu þá þegar snúið til baka til Keflavíkur var kæran send sýslumanninum í Gullbringu og Kjósarsýslu sem annast skyldi rannsókn málsins. Axel nefndi nokkur nöfn manna sem hann sagði að staðið hefðu að mannráninu en eftir þetta fluttist hann aftur til Reykjavíkur.
Þetta atvik var aðeins hluti af afar hörðum deilum sem Félag útgerðarmanna átti við Verkamannafélagið. Þessum hluta lauk þegar að 11. febrúar sama ár útgerðarmenn útnefndu menn í nefnd til að semja við verkamenn.
Þrátt fyrir samninginn fengu atvinnurekendur hreppsnefndina skömmu síðar til að koma saman og þvinga stjórn Verkamannafélagsins til að boða til félagsfundar, þar voru félagsmenn kúgaðir til að leggja félagið niður formlega.
Verkamenn gáfust samt ekki upp og Þann 28. desember árið 1932 komu 19 verkamenn saman til fundar í samkomuhúsinu Skildi, með það fyrir augum að stofna verkalýðsfélag og endaði með eftirfarandi samþykkt; „Fundurinn samþykkir að stofnað verði nýtt félag er heiti Verkamannafélag Keflavíkur“
Heimildir:
Tíminn 23 Janúar 1932
Víkurfréttir 17.12.1981
Saga VSFK
