Telja að þriðji skammtur sé ekki eins áhrifaríkur gegn öðrum afbrigðum veirunnar
Nokkur hundruð manns með þrjú bóluefni eru sýkt af omikron, í Danmörku hafa 234 manns fengið omikron – jafnvel þó þeir hafi fengið þrjár bóluefnissprautur.
Með þriðja bóluefnið í líkamanum getur þú samt smitast af omikron, þetta sýna tölur frá Danmörku þar sem 234 manns með örvunarskammt hafa fengið omikron. Þetta eru tæplega 10 prósent allra tilvika, að því er kemur fram samkvæmt skýrslu frá dönskum yfirvöldum.
Skýrslan sýnir 2471 tilfelli af omikron í landinu. Þar af voru yfir 1800 manns bólusettir með tveimur skömmtum. Það er ekki bara í Danmörku sem fólk með þrjár bólusetningar smitast af nýja afbrigðinu. Í Þýskalandi hafa sjö einstaklingar með þriðja skammtinn smitast af omikron. Í Singapúr hefur verið tilkynnt um tvo einstaklinga með omikron að því er kemur fram hjá fréttaveitu Bloomberg.
Í skýrslu frá Bretlandi hafa þeir komist að því að þriðji skammtur verndar aðeins 75 prósent tilvika. Rannsóknin var gerð af bresku heilbrigðisöryggisstofnuninni. Þeir hafa skoðað 581 omikron tilfelli og telja að þriðji skammtur sé ekki eins áhrifaríkur og hann væri gegn öðrum afbrigðum veirunnar.
Þrír rannsóknarhópar í Noregi segja að bóluefnin muni ekki veita fullnægjandi vörn gegn omikron sýkingu. Enn er búist við að bóluefnið veiti vörn gegn alvarlegum veikindum og frumrannsóknir sýna að þriðji skammturinn hefur einhver áhrif. 939.425 manns hafa verið bólusettir með þriðja skammtinum í Noregi, samkvæmt tölum s.l. föstudag og kom fram að þá séu 109 tilfelli af omikron í Noregi. Talan gæti verið hærri þar sem tölurnar eru ekki uppfærðar um helgar.