Stjórnmála- og embættismenn hækka í launum

Laun æðstu embætt­is- og stjórn­mála­manna munu koma til með að hækka auk þess sem þeir mega von á vænni ein­greiðslu eft­ir dóm Hæsta­rétt­ar þar sem ákvörðun um skerðingu launa þeirra var dæmd ólög­mæt.

Í dóms­mál­inu var deilt um ákvörðun um að breyta ár­legu viðmiði Ástríðar Gríms­dótt­ur héraðsdóm­ara við ár­lega upp­færslu launa, í öðru lagi um að end­urkrefja hana um hluta greiddra launa og þriðja lagi lækka laun henn­ar fyr­ir júní 2022. Ákvörðun Hæsta­rétt­ar féll Ástríði í hag og hef­ur hún víðtæk áhrif á laun æðstu emb­ætt­is­manna, stjórn­mála­manna og for­seta Íslands svo dæmi séu nefnd.

For­seti og ráðherr­ar hækka í laun­um 

Í svari við fyr­ir­spurn mbl.is til fjár­málaráðuneyt­is­ins kem­ur fram að fjár­hags­leg áhrif á rík­is­sjóð liggi ekki fyr­ir fyrr en í næstu viku.

Hins veg­ar sendi ráðuneytið lista yfir þá sem dóm­ur­inn varðar. Sem dæmi þá munu laun for­seta, for­sæt­is­ráðherra og ráðherra hækka við þetta. Sem stend­ur er for­seti með ríf­lega 3,7 millj­ón­ir í laun, for­sæt­is­ráðherra 2,5 millj­ón­ir króna og ráðherr­ar með tæp­ar 2,3 millj­ón­ir króna.

Ýms­ir emb­ætt­is­menn tengd­ir fram­kvæmda­vald­inu munu hækka í laun­um. Svo sem ráðuneyt­is­stjór­ar, Seðlabanka­stjóri, rík­is­sak­sókn­ari og lög­reglu­stjór­ar í um­dæm­um lands­ins. Spann­ar launa­bil þess­ara emb­ætt­is­manna frá því að vera ríf­lega 1,6 millj­ón­ir króna til tæp­lega 2,5 millj­ón­ir króna í mánaðalaun.

Þá munu dóm­ar­ar ólíkra dóm­stiga, m.a. hæsta­rétt­ar­dóm­ar­ar og for­seti hæsta­rétt­ar hækka í laun­um. Þýðir það að dóm­ur hæsta­rétt­ar hafði bein áhrif á laun dóm­ara hæsta­rétt­ar t.a.m. Spann­ar mánaðal­egt launa­bil þeirra frá tæp­lega 1,8 millj­ón kr króna til ríf­lega 2,5 millj­óna króna.

Fá á milli 2-3 millj­ón­ir króna afturvirkt

Vilj­inn vakti fyrst at­hygli á mál­inu. Þar seg­ir að að sam­kvæmt heim­ild­um miðils­ins nemi leiðrétt­ing launa um­tals­verðum fjár­mun­um, auk þess sem laun hækka frá því sem miðað var við fyr­ir dóm­inn. Ráðherr­ar geti því átt von á greiðslu að upp­hæð vel á fjórðu millj­ón króna, fyr­ir skatt, og alþing­is­menn tæp­lega tvær millj­ón­ir. Þeir sem hafa svo álag á þing­far­ar­kaup, t.d. vegna for­mennsku í stjórn­mála­flokki eða þing­nefnd, fái svo á milli 2-3 millj­ón­ir króna.

Landsbankinn dæmdur – ,,Tugir milljarða sem talið er að bankarnir hafi oftekið“

Flokkur fólksins með þingsályktunar tillögu um að hætta við launahækkun ráðamanna