-3.2 C
Reykjavik
Miðvikudagur - 1. febrúar 2023
Auglýsing

Yfir 100% verðmunur á algengum heimilis- og byggingavörum í byggingaverslunum

Auglýsing

Auglýsing

Nýjar fréttir

Auglýsing

 

Yfir 100% munur var á hæsta og lægsta verði á mörgum vörum í verðkönnun verðlagseftirlits ASÍ í byggingaverslunum þar sem verð á algengum heimilisvörum, efni í pallasmíði, málningarvörum, verkfærum, bílavörum og byggingavörum var skoðað. Sem dæmi var 198% munur á hæsta og lægsta verði á fjöltengi, 171% verðmunur á hefðbundnum strákústi og 165% verðmunur á 3 metra HDMI snúru. Þá var 177% verðmunur á sandpappír, 46% verðmunur á alhefluðu Lerki sem er mikið notað í pallasmíði og 209% verðmunur á lægsta stk. verði af ryðfríum trjáskrúfum.

Könnunin var gerð í verslun Byko í Breiddinni, Húsasmiðjunni í Skútuvogi, Bauhaus og Múrbúðinni, Fosshálsi. Byko var með mesta úrvalið, 44 af 51 vöru sem skoðaðar voru en Múrbúðin minnsta úrvalið, 21 vöru.

165% verðmunur á HDMI snúru og 177% verðmunur á sandpappír
Mesti munur á hæsta og lægsta verði á algengum heimilisvörum var 198% munur á hæsta og lægsta verði á sexföldu fjöltengi með 1,5 m snúru, barnaöryggi og rofa. Hæsta verðið var í Bauhaus, 4.495 kr. en lægsta verðið í Byko, 1.507 kr. 165% munur var á hæsta og lægsta verði á 3 metra HDMI snúru, lægsta verðið var í Byko, 1507 kr. en hæsta verðið í Bauhaus, 3.995 kr. Þessar vörur voru einungis til í þessum tveimur verslunum. 171% munur var á hæsta og lægsta verði á hefðbundnum strákústi og 92% á smíði á hefðbundnum húslykli en upplýsingar um verð í verslununum má sjá með því að fletta í töflunni hér að neðan.

Af bílavörum var mestur munur á lítraverði af rúðuvökva, 132%. Lægsta lítraverðið var í Byko, 198 kr. en það hæsta í Bauhaus, 459 kr. Þá var 45% munur á hæsta og lægsta verði af Sonax felguhreinsi sem kostaði minnst, 1.795 kr. í Húsasmiðjunni en mest, 2.595 kr. í Bauhaus. Þá var mikill munur á hæsta og lægsta verði á sandpappírsörkum,177%. Lægsta verðið var í Bauhaus, 115 kr. en hæsta verðið í Húsasmiðjunni, 319 kr.

310% munur var á hæsta og lægsta verði af föstum 8 mm lykli. Lægsta verðið var í Múrbúðinni, 255 kr. en það hæsta í Byko, 1.045 kr. Munur á hæsta og lægsta verði á 10‘‘ skiptlykli var hins vegar 69%. Lægsta verðið var að finna í Bauhaus, 2.245 kr. en það hæsta í Húsasmiðjunni, 3.795 kr.

Mikill verðmunur á við og skrúfum í pallasmíði
Mestur munur á efni í pall var 46% munur á hæsta og lægsta verði af alhefluðu lerki (21*95 mm). Lægsta verðið á lengdar metranum af lerkinu var hjá Bauhaus, 536 kr. en hæsta verðið í Húsasmiðjunni, 785 kr.
Þá var 209% munur á hæsta og lægsta stk. verði af ryðfríum tréskrúfum. Lægsta verðið var í Húsasmiðjunni, 11 kr. en hæsta verðið í Byko, 34 kr.

66% munur á hæsta og lægsta verði á Birkikrossviði
Verðkönnunin innihélt einnig byggingavörur sem eru sennilega ekki eins mikið keyptar en eru nauðsynlegar ef byggja þarf hús eða setja upp veggi. Af slíkum byggingavörum var mestur munur á hæsta og lægsta verði á birkikrossviði, 12 mm, 125*250 cm, 66%. Lægst var verðið í Bauhaus, 8.006 kr. en hæst var verðið í Húsasmiðjunni, 13.290 kr. Þá var 45% munur á hæsta og lægsta verði á byggingaplasti en lægsta verðið var að finna í Múrbúðinni, 9.995 kr. en hæsta verðið í Húsasmiðjunni, 14.485 kr.

Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila.  Tafla með verðum er hér.