„Ráðgjafarnefnd Landspítalans mikilvægur bakhjarl“
Svandís lýsti ánægju með að nefndin væri tekinn til starfa, hún myndi verða Landspítalanum mikilvægur bakhjarl og hefði mikilvægu hlutverki að gegna.
Hún sagði einnig mjög mikilvægan þann tilgang með starfsemi nefndarinnar að efla tengsl Landspítalans við þjóðfélagið og möguleika notenda þjónustunnar til að hafa áhrif á starfsemi og þjónustu spítalans. Nánar er fjallað um hlutverk ráðgjafarnefndarinnar í erindisbréfi ráðherra til nefndarinnar.
Ráðgjafarnefndin er skipuð samkvæmt lögum um heilbrigðisþjónustu til fjögurra ára. Formaður hennar er Kristín Ingólfsdóttir, fyrrverandi rektor Háskóla Íslands.
Í nefndinni eru níu aðalmenn og jafnmargir til vara. Nefndin skal vera forstjóra og framkvæmdastjórn til ráðgjafar og álits um þjónustu, starfsemi og rekstur spítalans, og fjalla meðal annars um árlegar starfs- og fjárhagsáætlanir spítalans og langtímastefnu hans. Formaður nefndarinnar skal í samráði við forstjóra boða til upplýsinga- og samráðsfunda eftir því sem þurfa þykir og ekki sjaldnar en tvisvar á ári, eins og segir í lögum um hlutverk ráðgjafarnefndarinnar.
Eftirtaldir eiga sæti í ráðgjafarnefndinni:
Aðalmenn
- Kristín Ingólfsdóttir, fyrrverandi rektor Háskóla Íslands, formaður
- Óskar Reykdalsson, lækningaforstjóri Heilsugæslu höfuðborgarsvæðisins, varaformaður
- Jón Kristjánsson, fyrrverandi heilbrigðisráðherra
- Álfheiður Ingadóttir, fyrrverandi heilbrigðisráðherra
- Þórunn Sveinbjörnsdóttir, formaður Landssambands eldri borgara
- Þuríður Harpa Sigurðardóttir, formaður Öryrkjabandalags Íslands
- Helga Jónsdóttir, framkvæmdastjóri BSRB
- Pétur Magnússon, forstjóri Hrafnistu
- Vilmundur Guðnason, prófessor og forstöðumaður Hjartaverndar
Varamenn
- Hjalti Þór Vignisson, fyrrverandi sveitastjóri
- Sveinn Guðmundsson, formaður Hjartaheilla
- Vilhjálmur Hjálmarsson, varaformaður ADHD samtakanna
- Bryndís Snæbjörnsdóttir, formaður Þroskahjálpar
- Anna Stefánsdóttir, formaður Spítalans okkar
- Brynhildur Pétursdóttir, framkvæmdastjóri Neytendasamtakanna
- Reynir Tómas Geirsson, fyrrum prófessor og fæðingarlæknir
- Henny Hinz, hagfræðingur ASÍ
- Andri Snær Magnason, rithöfundur
Discussion about this post