Tilkynnt var um umferðarslys klukkan sex í gærkvöld. þar sem ekið hafði verið á gangandi vegfaranda í Kópavogi. Ekið var á 11 ára barn sem var að fara yfir akbraut á gangbraut. Barnið var flutt með sjúkrabifreið á Bráðadeild með m.a. eymsli í hendi. Foreldri komu fljótlega á vettvang en ekki liggja fyrir meiri fréttir af málinu að svo stöddu.
Rétt eftir tíu í gærkvöld, var tilkynnt um árekstur og afstungu af vettvangi í Kópavogi. Ekið hafði verið á tvær bifreiðar og svo flúið á brott. Tjónvaldurinn var svo handtekinn skömmu síðar og er grunaður um ölvun við akstur og akstur án gildra réttinda. Hann var vistaður fyrir rannsókn máls í fangageymslu lögreglu.